The news is by your side.

Advertisement

دوران تفتیش ڈاکو حسینہ نے خاتون پولیس اہلکارکو تھپڑماردیا

لاہور : خواتین ڈکیت گینگ نے گرفتاری کے بعد پولیس اہلکاروں کو اپنا زور دکھا دیا۔ تفتیش کے دوران ایک ملزمہ نے خاتون پولیس اہلکار کو تھپڑ مار دیا۔

تفصیلات کے مطابق لاہور میں تین خواتین پرمشتمل مبینہ ڈکیت گینگ پکڑاگیا۔ تھانہ غازی آباد پولیس نے خواتین ڈکیت گینگ کی تین مشتبہ ارکان رابعہ ، فاطمہ اور کنیز نامی تین بہنوں کو ڈکیتی کے الزام میں گرفتار کررکھا ہے۔

A gang of female thieves busted by arynews
پولیس کا کہنا ہے کہ تینوں بہنیں کام کے بہانے لوگوں کے گھروں میں چوری اور ڈکیتی کی وارداتیں کرتیں اور پولیس کو متعدد وارداتوں میں مطلوب تھیں۔ پولیس نے ان سے زیورات، نقدی اورایک موٹرسائیکل بھی برآمد کرنے کا دعویٰ کیا ہے۔

دوران تفتیش خاتون پولیس اہلکار نے مذکورہ ملزمان پر تشدد کیا۔ پولیس اہلکار نےایک کے بعد دوسری ملزمہ کے بال پکڑ کر تھپڑمارے تو ملزمہ بھی پھولن دیوی بن گئی اورمقابلے پر اتر آئی۔ ملزمہ نے اہلکار کو دھمکیاں بھی دیں۔

ملزمہ کی جرات کہ حراست کے دوران اس خاتون پولیس اہلکار کو تھپڑ جڑ دیا۔ تھپڑ کھانے والی لیڈی کانسٹیبل نے ہاتھ اٹھانے والی پھولن دیوی کے خلاف کار سرکار میں مداخلت اور باوردی پولیس اہلکار پر ہاتھ اٹھانے کے الزامات کے تحت اندراج مقدمہ کی درخواست جمع کرادی ہے۔

 

Print Friendly, PDF & Email

Comments

comments

یہ بھی پڑھیں