پیرس میں ڈیم فنڈ ریزنگ تقریب: اوورسیز پاکستانیوں نے دو لاکھ یورو چندہ دیا -
The news is by your side.

Advertisement

پیرس میں ڈیم فنڈ ریزنگ تقریب: اوورسیز پاکستانیوں نے دو لاکھ یورو چندہ دیا

پیرس : بھاشا اور ڈیم فنڈ کے لئے اوورسیز پاکستانی بھی دل کھول کر چندہ دینے لگے، پیرس میں ڈیم فنڈ ریزنگ تقریب میں دو لاکھ یورو جمع ہوگئے۔

تفصیلات کے مطابق دیامربھاشا اور مہمند ڈیم کی تعمیر کے لیے قائم فنڈ میں اب تک اسٹیٹ بینک و دیگر و نجی بینکوں سمیت دیگر سرکاری و پرائیوٹ اداروں کے ملازمین اور عوام نے کروڑوں روپے عطیہ کیے جس کا سلسلہ تاحال جاری ہے،۔

اس کارخیر میں بیرون ملک مقیم محب وطن پاکستانی بھی پیچھے نہیں ہیں، بھاشا اور مہمند ڈیمز کی تعمیر کے لئے بیرون ملک پاکستانی بھی اپنا بھرپور حصہ ڈال رہے ہیں۔

پیرس میں پاکستانی فیسٹیول کے دوران فنڈ ریزنگ تقریب ہوئی جس میں سینیٹر فیصل جاوید اور ابرار الحق نے شرکت کی، اوورسیز پاکستانیوں نے دو لاکھ یورو جمع کرادیے۔

ایونٹ میں ابرار الحق نے اپنی شاندار پرفارمنس سے شرکاء کے دل موہ لیے۔ اس سے پہلے برسلز میں بھی پاکستانیوں نے دل کھول کر عطیات دیے تھے۔

سینیٹر فیصل جاوید کا کہنا تھا کہ ہم ناممکن کو ممکن کر کے دکھائیں گے، آسٹریا اور دیگر یورپی ممالک میں بھی اوورسیز پاکستانی ڈیم کے لئے چندہ دے رہے ہیں۔

Comments

comments

یہ بھی پڑھیں