site
stats
عالمی خبریں

دمام میں پھنسے پاکستانیوں کی مدد کی جائے، لارڈ نذیرکا سعودی سفیر کو خط

لندن : برطانوی پارلیمنٹ کے رکن لارڈ نذیر نے سعودی عرب کی حکومت سے مطالبہ کیا ہے کہ دمام میں پھنسے ہوئے 500 پاکستانیوں کا اقامہ فوری جاری کیا جائے تاکہ ان کے مسائل حل ہوسکیں۔

تفصیلات کے مطابق لارڈ نذیر نے دمام میں پھنسے پاکستانیوں کے حوالے سے برطانیہ میں تعینات سعودی عرب کے سفیر پرنس محمد بن نواف السعود کو خط لکھا ہے جس میں انہوں نے کہا ہے کہ اقامہ نہ ملنے کے سبب دمام میں پانچ سو سے زائد پاکستانی کیمپوں میں پھنسے ہوئے ہیں۔

LordNazirletter

ان میں سے کئی پاکستانی سعودی عرب میں نوکری کے حصول کیلئے اپنے تمام اثاثے بیچ چکے ہیں۔ پاکستان میں موجود ان افراد کے خاندان شدید مشکلات کا شکار ہیں۔

ان کا کہنا تھا کہ پیسے نہ ہونے کے سبب وہ فاقے کررہے ہیں اور انہیں علاج معالجے کی بھی کوئی سہولت میسر نہیں ہے، گزشتہ چھ ماہ سے ان کی کمپنی تنخواہ بھی جاری نہیں کررہی۔

پاکستانی میڈیا کی رپورٹس کے مطابق ان میں سے چار پاکستانی دل کا دورہ پڑنے سے انتقال کر چکے ہیں۔

مزید پڑھیں: دمام: اقامہ نہ لگنے پر 500 پاکستانی پھنس گئے، دفتر خارجہ خاموش

خط میں لارڈ نذیر نے مطالبہ کیا کہ متاثرہ پاکستانیوں کی مدد کرتے ہوئے فوری طور پر انہیں اقامہ جاری کیا جائے اور ان کے سفر میں حائل رکاوٹیں دور کرتے ہوئے سفری سہولیات فراہم کی جائیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top