The news is by your side.

Advertisement

عمر اکمل ڈانس پارٹی میں رنگے ہاتھوں پکڑے گئے، پی سی بی کا ٹیم میں شامل کرنے سے انکار

لاہور : نامور کرکٹر عمر اکمل ڈانس پارٹی میں رنگے ہاتھوں پکڑے گئے، جس کی وجہ سے انہیں انگلینڈ کے خلاف ٹی ٹوئنٹی سکواڈ سے ڈراپ کر دیا گیا ہے.

پی سی بی ذرائع کا کہنا ہے کہ عمر اکمل ایک ڈانس پارٹی میں مبینہ طور پر خواتین کے ساتھ بد سلوکی کرتے ہوئے پائے گئے، جس کی وجہ سے انہیں سکواڈ سے ڈراپ کرتے ہوئے شوکاز نوٹس جاری کردیا ہے۔

پی سی بی کا کہنا تھا کہ عمر اکمل کی اس حرکت سے پی سی بی کی ساکھ کو نقصان پہنچا ہے اور انھوں نے کرکٹ کا وقار مجروح کیا ہے، جس پر وہ 2 ہفتے میں اپنا جواب جمع کرائیں۔

پاکستان کرکٹ بورڈ کے چیئرمین شہریار خان کاکہنا ہے کہ ڈسپلن کی خلاف ورزی پر عمر اکمل کو معطل کردیا ہے اور ان کے خلاف کاروائی کا حکم بھی دے دیا ہے.

ذرائع کے مطابق عمر اکمل میچ کے دوران عظیم گھمن کے ہمراہ حیدر آباد کی زیل پاک ہاوسنگ سوسائٹی میں ڈانس پارٹی میں چلے گئے جہاں مبینہ طور پر خواتین سے بد تمیزی کی گئی تو پولیس کا چھاپہ پڑ گیا حیدر آباد کے مقامی اخبار میں دونوں کھلاڑیوں نام کوڈ ورڈز میں چھاپے گئے جس میں پولیس کا بیان تھا کسی نامور کرکٹر کو نہیں پکڑا مقامی کھلاڑی کے خلاف کارروائی ہوئی لیکن آج جب خبر منظر عام پر آئی تو پولیس نے بھی یو ٹرن لیتے ہوئے بیان بدل دیا کہ ایسا کوئی واقعہ پیش ہی نہیں آیا.

واضح رہے کہ ورلڈ کپ 2015میں بھی عمر اکمل پر کوچ سے بدتمیزی کے ساتھ پیش آنے کا الزام عائد کیا گیا تھا۔

Print Friendly, PDF & Email

Comments

comments

یہ بھی پڑھیں