The news is by your side.

Advertisement

’کرونا کیسز میں خطرناک حد تک اضافہ، اسپتالوں میں جگہ نہیں رہی‘

اسلام آباد: ڈپٹی چیئرمین سینیٹ سلیم مانڈوی والا نے کہا ہے کہ ملک میں کرونا کے مریضوں کی تعداد خطرناک حد تک بڑھ گئی ہے۔ کراچی، اسلام آباد اور لاہور کے اسپتالوں میں جگہ نہیں رہی۔

تفصیلات کے مطابق ڈپٹی چیئرمین سینیٹ سلیم مانڈوی والا نے کروناکیس بڑھنے پر تشویش کا اظہار کیا۔ ان کا کہنا تھا کہ گنجائش نہ ہونے پر انتظامیہ نے مریضوں کو گھر بھیجنا شروع کر دیا ہے۔

انہوں نے کہا کہ حکومت مسئلہ کی طرف توجہ نہیں دے رہی، حالات پر قابو پانے کے فوری اقدامات کیے جائیں، کیسز کافی حد تک بڑھ گئے ہیں فوری حکمت عملی نہ اپنائی گئی تو مزید نقصان ہوگا۔

پاکستان میں کرونا وائرس سے اموات میں خوف ناک اضافہ، مزید 88 افراد جاں بحق

خیال رہے کہ پاکستان میں کرونا وائرس کی وبا سے اموات میں خوف ناک حد تک اضافہ ہو گیا ہے، گزشتہ چوبیس گھنٹوں کے دوران ملک بھر میں مزید 88 افراد کرونا انفیکشن کا شکار ہو کر جاں بحق ہو گئے ہیں، یہ ملک میں ایک دن میں کرونا سے سب سے زیادہ اموات ہیں۔

جبکہ صوبہ سندھ میں گزشتہ چوبیس گھنٹوں کے دوران کرونا وائرس کے 885 تصدیق شدہ کیسز رپورٹ ہوئے، صوبے میں متاثرہ افراد کی مجموعی تعداد 28 ہزار 245 ہوگئی ہے۔

Comments

یہ بھی پڑھیں