نیویارک: امریکی ریاست نیویارک کے مغربی علاقوں میں برفانی طوفان نے نظام زندگی منجمد کر دیا۔
تفصیلات کے مطابق ایک خطرناک ’’لَیک ایفکٹ‘ والے برفانی طوفان نے جمعہ کو مغربی اور شمالی نیو یارک کے کچھ حصوں کو مفلوج کر دیا۔
کچھ مقامات پر 4 فٹ سے زیادہ برف باری ہوئی، ماہرین کا کہنا ہے کہ ہفتے کی رات تک مزید برف گرنے کا امکان ہے، طوفان کے دوران برف صاف کرتے ہوئے 2 افراد برف میں دب کر ہلاک ہو گئے۔
رپورٹس کے مطابق شہر بفیلو میں چار فٹ برف باری نے لوگوں کا گھروں سے نکلنا مشکل کر دیا، لوگ گھروں میں محصور ہو چکے ہیں، شاہراہیں اور پارک برف سے ڈھک گئے۔
‘Lake effect’ snow paralyzed parts of the New York state https://t.co/DZpadYCEto pic.twitter.com/Ejn8mzPM9B
— Reuters (@Reuters) November 19, 2022
شہر کے گورنر نے ایمرجنسی نافذ کر دی ہے، محکمہ موسمیات نے کہا ہے کہ آئندہ دو روز میں مزید برف باری کی پیش گوئی ہے، انتظامیہ نے لوگوں کو گھروں میں رہنے کی ہدایت جاری کر دی۔
A dangerous ‘lake-effect’ snowstorm has paralysed parts of western and northern New York, with nearly two feet of snow falling overnight.
Today’s top stories 👉 https://t.co/PAiZ4D1jU3 pic.twitter.com/F6CAdHwra5
— Sky News (@SkyNews) November 19, 2022
ماہرین کا کہنا ہے کہ لیک ایفکٹ والے طوفانوں کے اثرات بہت ہی متنوع ہوتے ہیں، جب گرم جھیلوں کے اوپر سے ٹھنڈی ہوائیں گزرتی ہیں تو، ہواؤں کی نچلی لہر جھیل سے بخارات اٹھا لیتی ہے جو اوپری لہر میں جا کر برف بن جاتے ہیں، برف والی یہ ہوائیں پھر آگے جا کر مختلف مقامات پر برف گرا دیتی ہیں۔
یہی وجہ ہے کہ جمعہ کو بفیلو کے کچھ حصوں میں تو چار فٹ برف گری، جب کہ کچھ حصوں میں صرف چند انچ کی برف باری ہوئی۔