The news is by your side.

Advertisement

ڈینئیل پرل کیس : حکومت پاکستان کی اپیل کے فیصلہ کا خیر مقدم کرتے ہیں، ایلس ویلز

واشنگٹن : امریکہ کی معاون نائب وزیر خارجہ ایلس ویلز نے کہا ہے کہ ڈینئل پرل کے اغواء اور قتل کے ذمہ داروں سے مکمل انصاف ہونا چاہیے، حکومت پاکستان کی اپیل کرنے کے فیصلہ کا خیر مقدم کرتے ہیں۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے پیغام میں کیا، ڈینئیل پرل کیس کے فیصلے کے حوالے سے اپنے رد عمل میں انہوں نے کہا کہ امریکی صحافی ڈینیل پرل قتل کیس کا فیصلہ دہشت گردی کا شکار افراد کی توہین ہے۔

ڈینیل پرل کے اغوا اور ان کے قتل کے ذمہ داروں سے مکمل انصاف ہونا چاہیے، ایلس ویلز نے کہا کہ عدالتی فیصلے کے خلاف حکومت پاکستان کی اپیل کرنے کے فیصلے کو سراہتے ہیں۔

واضح رہے کہ سندھ ہائی کورٹ نے امریکی صحافی ڈینئیل پرل کے قتل کے مجرم برطانوی شہری احمد عمر شیخ کی سزائے موت کو 7 سال قید میں تبدیل کردیا ہے۔
جسٹس کے کے آغا اور جسٹس ذوالفقار سانگی پر مشتمل سندھ ہائی کورٹ کے دو رکنی بینچ نے ڈینیل پرل قتل کے ملزمان کی سزا کے خلاف اپیلوں پر فیصلہ سنایا۔
بعد ازاں حکومت سندھ نے امریکی صحافی ڈینیل پرل قتل کیس میں رہائی پانے والے تین ملزمان کو تین ماہ کے لیے حراست میں لے لیاہے۔
محکمہ داخلہ سندھ کی جانب سے ڈینیل پرل کیس میں رہائی پانے والے ملزمان کی ایم پی او 1960سیکشن 3(1) کے تحت تین ماہ کی حراست کے احکامات جاری کیے تھے۔

Comments

یہ بھی پڑھیں