The news is by your side.

Advertisement

دانش عزیز نے ایک اوور میں 33 رنز جڑ دئیے، (ویڈیو)

کراچی: پی ایس ایل 6 کے 29ویں میچ میں دانش عزیز نے ایک اوور میں 33 رنز جڑ دئیے۔

تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں کراچی کنگز کے بیٹسمین دانش عزیز نے 13 گیندوں پر 45 رنز کی برق رفتار اننگز کھیلی۔

دانش عزیز کی اننگز میں 5 بلند و بالا چھکے اور دو چوکے شامل تھے۔

کراچی کنگز کے بیٹسمین 5 رنز کی کمی سے ریکارڈ نصف سنچری نہ بناسکے اور انہیں 45 رنز پر خرم شہزاد نے بولڈ کیا۔

دانش عزیز نے اننگز کے 18ویں اوورز میں گلیڈی ایٹرز کے غیرملکی بولر جیک ویدر موتھ کے ایک اوور میں 33 رنز بنائے۔

گلیڈی ایٹرز کے بولر نے اپنے تین اوورز میں 53 رنز دئیے۔

واضح رہے کہ کراچی کنگز نے کوئٹہ گلیڈی ایٹرز کو جیت کے لیے 177 رنز کا ہدف دیا ہے، شرجیل خان اور دانش عزیز 45، 45 رنز بنا کر نمایاں رہے۔

Comments

یہ بھی پڑھیں