کراچی: پاکستانی کرکٹ ٹیم کے سابق لیگ اسپینر دانش کنیریا نے کہا ہے کہ پاکستانی مجھ سے بہت زیادہ محبت کرتے ہیں اور پاکستان میں کبھی امتیازی سلوک کا سامنا نہیں کرنا پڑا۔
قومی کرکٹ ٹیم کے سابق کرکٹر نے مداحوں سے ساتھ گفتگو کے لیے سماجی رابطے اور مائیکروبلاگنگ کی ویب سائٹ ٹویٹر پر AskDanish#کے نام سے ایک سیشن رکھا جس میں صارفین نے اُن سے بہت سارے سوالات کیے۔
دنیا بھر میں موجود مداحوں نے حصہ لیا اور سوالات کئے۔ ان کے اس سیشن پر اتنی بات ہوئی کہ ’AskDanish‘ پاکستان کے ٹوئٹر ٹرینڈ پینل پر ٹاپ ٹرینڈ بن گیا۔
دانش کنیریا نے صارفین کے تمام ہی سوالات کے جوابات دیے جن میں سیاست، کھیل، مستقبل، ذرائع آمدن و دیگر شامل تھے۔
ایک صارف نے امتیازی سلوک کے حوالے سے سوال کیا جس پر دانش کنیریا نے لکھا کہ ’پاکستان مجھ سے محبت کرتے ہیں اور مجھے پاکستان میں کبھی امتیازی سلوک کا سامنا نہیں کرنا پڑا‘۔
They never discriminated. People of Pakistan loves me a lot. #AskDanish https://t.co/ypLc5zaBCB
— Danish Kaneria (@DanishKaneria61) January 30, 2020
Rubbish! People of Pakistan loves me so much. #AskDanish https://t.co/LvIBoRRAG8
— Danish Kaneria (@DanishKaneria61) January 30, 2020
موجود حکومت کے بارے میں پوچھے جانے والے سوال پر کنیریا نے کہا کہ ’عمران خان کی قیادت میں ملک ترقی کی جانب گامزن ہے‘۔
Country will do progress under his able leadership. #AskDanish https://t.co/wMji79HgbL
— Danish Kaneria (@DanishKaneria61) January 30, 2020
ایک اور صارف نے پسندیدہ کھلاڑی کے بارے میں پوچھا تو دانش کنیریا نے بتایا اُن کی نظر میں بہترین بلے باز ویرات کوہلی ہیں، اسی طرح سچن ٹنڈولکر کو آؤٹ کرنے کو لیگ اسپینر نے یادگار وکٹ قرار دیا۔
Virat Kohli @imVkohli #AskDanish https://t.co/PWlclRpnep
— Danish Kaneria (@DanishKaneria61) January 30, 2020
دانش کنیریا نے ایک صارف کے سوال کا جواب دیتے ہوئے بتایا کہ اس وقت اُن کا کوئی ذرائع آمدن نہیں ہے، پاکستان کرکٹ بورڈ سے اپیل ہے کہ وہ مجھ پر عائد ہونے والی پابندی کو ختم کرے کیونکہ پابندی کا خاتمہ میرے معاشی حالات کے لیے بہت ضروری ہے۔
I don’t have any source of income right now. That’s why i am requesting @TheRealPCB to help. Removal of the ban is very necessary for my survival. #AskDanish https://t.co/r4XXu25gtH
— Danish Kaneria (@DanishKaneria61) January 30, 2020
یاد رہے کہ 39 سالہ لیگ اسپینر دانش کنیریا نے 61 ٹیسٹ میچز میں پاکستان کی نمائندگی کرتے ہوئے 261 وکٹیں حاصل کیں تھیں۔
مزید پڑھیں: شعیب اختر نے نیا پنڈورا باکس کھول دیا، ویڈیو وائرل
واضح رہے کہ شعیب اختر نے گزشتہ دنوں دعویٰ کیا تھا کہ پاکستانی کھلاڑی دانش کنیرکے ساتھ امتیازی سلوک روا رکھتے تھے، روالپنڈی ایکسپریس کو اپنا دعویٰ بہت مہنگا پڑ گیا تھا کیونکہ اُن کو ویڈیو آنے کے بعد شدید تنقید کا سامنا کرنا پڑا تھا۔
