The news is by your side.

Advertisement

’ایک دن آئے گا تمہیں مجھ سے محبت ہوجائے گی‘

اے آر وائی ڈیجیٹل کے ڈرامہ سیریل ’کیسی تیری خود غرضی‘ کی گزشتہ قسط کا سین مداحوں کو بھا گیا۔

ڈرامہ سیریل کیسی تیری خود غرضی میں دانش تیمور (شمشیر)، درفشاں سلیم (مہک)، لائبہ خان (ندا)، نعمان اعجاز (بابا صاحب)، شہود علوی، لیلیٰ واسطی، عتیقہ اوڈھو، حماد شعیب ودیگر مرکزی کردار نبھا رہے ہیں۔

ڈرامے کی کہانی امیر گھرانے سے تعلق رکھنے والے شمشیر اور متوسط طبقے کی لڑکی مہک کے گرد گھومتی ہے شمشیر کو مہک سے محبت ہوجاتی ہے اور اسے حاصل کرنے کے لیے وہ ہر حربہ استعمال کرتے ہیں لیکن مہک شمشیر سے محبت نہیں کرتیں پھر بھی شادی کے لیے راضی ہوجاتی ہیں۔

گزشتہ 7ویں قسط میں دکھایا گیا ہے کہ شمشیر مہک کی خالہ کے گھر بھی پہنچ جاتے ہیں جس پر مہک خوفزدہ ہوجاتی ہیں۔

مہک کہتی ہیں کہ ’آپ کو اندازہ بھی نہیں ہے کہ میں آپ سے کتنی نفرت کرتی ہوں اگر آپ کو اس بات کا اندازہ ہوجائے کہ ہماری زندگی کتنی تکلیف میں ہے شاید آپ بھی خود سے اتنی ہی نفرت کریں۔‘

شمشیر کہتے ہیں کہ ’اگر تمہیں پتا چل جائے کہ میں تم سے کتنی محبت کرتا ہوں تو مجھے یقین ہے کہ تمہیں بھی مجھ سے محبت ہوجائے گی۔‘

مہک کہتی ہیں کہ ’نفرت کرتی ہوں میں آپ سے صرف نفرت۔‘

مہک کے والد کہتے ہیں کہ ’میری بے بسی کا کتنا مذاق اڑاؤ گے، بس کردو، یہ سوچ کر ہی شرم کرلو کے تمہارے باپ کی عمر کا ہوں، تمہارے آگے ہاتھ جوڑے کھڑا ہوں کسی کی کچھ لاج رکھ لو کچھ شرم کرلو۔‘

کیا مہک شمشیر سے شادی کرلیں گی یا پھر بابا صاحب شمشیر اور مہک کی شادی کو رکوادیں گے؟ یہ سب جاننے کے لیے ڈرامہ سیریل ’کیسی تیری خود غرضی‘ کی آٹھویں قسط ہر بدھ کی رات 8 بجے دیکھنا نہ بھولیں۔

Comments

یہ بھی پڑھیں