شوبز انڈسٹری کے معروف اداکار دانش تیمور کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکار دانش تیمور نے ویڈیو شیئر کی جس میں انہیں ’سرفنگ‘ کرتے ہوئے دیکھا جاسکتا ہے۔
دانش تیمور نے ویڈیو شیئر کرتے ہوئے کیپشن میں لکھا کہ ’پہلی کوشش۔‘
View this post on Instagram
ویڈیو پر دانش کی اہلیہ و اداکارہ عائزہ خان نے بھی ’تالیاں‘ بجانے کی ایموجیز بنائیں۔
اداکار نے چند گھنٹوں قبل یہ ویڈیو شیئر کی جسے اب تک لاکھوں کی تعداد میں مداح دیکھ چکے ہیں اور ان کے سرفنگ کرنے کی تعریف کررہے ہیں۔
واضح رہے کہ دانش تیمور اے آر وائی ڈیجیٹل کے ڈرامہ سیریل ’کیسی تیری خود غرضی‘ میں ’شمشیر‘ کا مرکزی کردار نبھا رہے ہیں۔
ان کے ’شمشیر‘ کے کردار کو مداحوں کی جانب سے خوب سراہا جارہا ہے۔
ڈرامے کی دیگر کاسٓٹ میں درفشاں سلیم (مہک)، لائبہ خان (ندا)، نعمان اعجاز (بابا صاحب)، شہود علوی (اکرم مہک کے والد)، لیلیٰ واسطی، عتیقہ اوڈھو، حماد شعیب (احسن) ودیگر شامل ہیں۔
