site
stats
پاکستان

عمران خان صاد ق اورامین نہیں رہے‘دانیال عزیز

Imran Khan

اسلام آباد: مسلم لیگ ن کےرہنما دانیال عزیز نے تحریک انصاف کےسربراہ عمران خان کی نااہلی کےلیےسپریم کورٹ میں درخواست دائر کردی۔

تفصیلات کےمطابق مسلم لیگ ن کے رہنما رکن قومی اسمبلی دانیال عزیز نے سپریم کورٹ میں عمران خان کی نااہلی کےلیے درخواست دائر کی ہےجس میں کہا گیا ہےکہ عمران خان نے پاناما کیس پرعدالتی فیصلےکےحوالے سے قوم سے جھوٹ بولا۔

انہوں نے موقف اختیار کیا کہ آئین کے آرٹیکل 62 اور 63 کی خلاف ورزی کی وجہ سے عمران خان صادق اور امین نہیں رہے لہٰذا انہیں اسمبلی کی رکنیت کے لیے نااہل قرار دیا جائے۔


پاکستان کے فلاحی ریاست بننے کی راہ میں نواز شریف رکاوٹ ہیں، عمران، نوشہرہ جلسہ


دانیال عزیز نے درخواست میں پیمرا اور پی ٹی آئی کےسربراہ عمران خان کو فریق بنایاہےجبکہ اس کے ساتھ عمران خان کے انٹرویوز اور پاناما کیس کے عدالتی فیصلے کےبعد تاثرات بھی شامل ہیں۔

یاد رہے پاناما کیس کا فیصلہ آنے کے بعد تحریک انصاف کےسربراہ عمران خان نے کہا تھا کہ سپریم کورٹ کے ججز نے نوازشریف کوجھوٹا قرار دیا ہے۔

واضح رہےکہ گزشتہ روزسپریم کورٹ کے جسٹس اعجاز افضل نے ریمارکس دیے تھے کہ انہوں نے وزیر اعظم کے بارے جھوٹا ہونے جیسے ریمارکس نہیں دیے مگر بعض رہنما عدالتی فیصلے کی غلط تشریخ کر رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top