دانیال عزیز کا الیکشن کمیشن پر دوہرے معیار کا الزام -
The news is by your side.

Advertisement

دانیال عزیز کا الیکشن کمیشن پر دوہرے معیار کا الزام

اسلام آباد: مسلم لیگ ن کے رہنما دانیال عزیز نے الیکشن کمیشن کے ساتھ عدلیہ کو بھی نشانے پر لے لیا۔ انہوں نے کہا کہ پاناما سے متعلق جماعت اسلامی کی ساڑھے 4 سو افراد کے خلاف درخواست اعتراض لگا کر واپس کردی گئی لیکن نواز شریف کے خلاف وہی درخواست منظور کی گئی۔

تفصیلات کے مطابق مسلم لیگ ن کے رہنما دانیال عزیز نے الیکشن کمیشن کے ساتھ عدلیہ کے خلاف بھی بولنا شروع کردیا۔ الیکشن کمیشن کے باہر میڈیا سے گفتگو کرتے ہوئے انہوں نے کہا کہ پاناما لیکس سے متعلق جماعت اسلامی کی ساڑھے 4 سو افراد کے خلاف درخواست اعتراض لگا کر واپس کردی گئی لیکن نواز شریف کے خلاف وہی درخواست منظور کی گئی۔

انہوں نے الیکشن کمیشن پر انصاف کے دوہرے معیار کا الزام لگاتے ہوئے کہا کہ وزیر اعظم کے خلاف مقدمات کی شنوائی نہیں ہو رہی۔

دانیال عزیز نے حسب معمول پاکستان تحریک انصاف کو تختہ مشق بناتے ہوئے کہا کہ تحریک انصاف کے لوگ اداروں کی تضحیک کرتے ہیں۔ گالی دو اور فیصلہ لو ان لوگوں کا وطیرہ رہا ہے۔

انہوں نے کہا کہ عمران خان نے توہین عدالت کی ہے۔ کبھی یہ اسلام آباد ہائیکورٹ کے پیچھے چھپتے ہیں اور کبھی الیکشن کمیشن کے۔ ہم نے سپریم کورٹ کے سامنے سر جھکا دیا۔ ہمارے پاس جہانگیر ترین اور عمران خان کے خلاف پختہ ثبوت ہیں۔

Comments

comments

یہ بھی پڑھیں