معروف گلوکار عاصم اظہر اور درفشاں سلیم کا نیا گانا ’درد‘ نے ریلیز ہوتے ہی دھوم مچادی ہے۔
گلوکار عاصم اظہر اور درفشاں سلیم نے گزشتہ دنوں انسٹاگرام پر ویڈیو کلپ شیئر کرتے ہوئے مداحوں کو آگاہ کیا تھا کہ ’درد‘ گانے کو 12 جنوری کو ریلیز کیا جائے گا تاہم اب مداحوں کا انتظار ختم ہوگیا ہے اور مداحوں کی جانب سے گانے کی تعریف کی جارہی ہے۔
گانے کے بول کنال ورما نے لکھے ہیں جبکہ اس میں عاصم اظہر نے اپنی آواز کا جادو جگایا ہے، میوزک پروڈیوسر قاسم اظہر ہیں جبکہ اس کی ہدایت کاری کے فرائض یاسر جسوال نے انجام دیے ہیں۔۔
View this post on Instagram
گانا ریلیز ہوتے ہی مداحوں ہٹ ہوگیا اور اسے اب تک ویڈیو شیئرنگ پلیٹ فارم یوٹیوب پر سے ہزاروں صارفین دیکھ چکے ہیں۔
اداکارہ درفشاں سلیم نے بھی انسٹاگرام اسٹوری میں گانے کی ویڈیو شیئر کی ، مداح گانے میں اداکارہ کی ویڈیو پسند کررہے ہیں اور تعریفی کمنٹس کررہے ہیں۔
عاصم اظہر سماجی رابطے کی ویب سائٹ ٹویٹر پر مداحوں کے نام پیغام میں لکھا کہ ’ہیلو دوستوں! میں نے آج اپنا نیا سنگل (گانا) ریلیز کیا، مجھے بتائیں آپ اس بارے میں کیا کہتے ہیں۔‘
hi guys, i just released my new single today. let me know what u think in the replies . 🤗
— Asim Azhar (@AsimAzharr) January 12, 2023
واضح رہے کہ درفشاں سلیم نے ڈرامہ سیریل ’کیسی تیری خود غرضی‘ میں مہک کا کردار نبھایا تھا جسے مداحوں کی جانب سے بھرپور پذیرائی ملی تھی، ڈرامے میں دانش تیمور ’شمشیر‘ کے کردار میں جلوہ گر تھے دیگر کرداروں میں نعمان اعجاز، عتیقہ اوڈھو، شہود علوی، لیلیٰ واسطی، زینب قیوم، لائبہ خان، حماد شعیب ودیگر شامل تھے۔