The news is by your side.

Advertisement

بھارت کے شہردارجلنگ میں آزادی کے نعرے، فوج اورعوام میں جھڑپ

نئی دہلی : مقبوضہ کشمیر کے بعد بھارتی ظلم وجبرسے پریشان بھا رتی شہردارجلنگ کے عوام نے بھی آزادی کا نعرہ بلند کر دیا۔ مظاہرین کی پولیس کے ساتھ جھرپوں میں متعدد افراد زخمی ہوگئے، مظاہرین نے کئی گاڑیوں کو آگ لگا دی۔

تفصیلات کے مطابق مقبوضہ کشمیر کے بعد بھارت کے دیگر شہروں میں بھی آزادی کے نعرے گونج رہے ہیں۔ بھارت کی ظالمانہ پالیسیوں تلے دبے دارجلنگ کے عوام الگ وطن کے حصول کے لئے اٹھ کھڑے ہوئے۔

بھارت سے آزادی کے لئے دارجلنگ میں مکمل ہڑتال کی گئی، مغربی بنگال کے شہردارجلنگ میں بھارت سے علیحدہ وطن گورکھا لینڈ کے قیام کی تحریک میں شدت آگئی۔

آزادی کی تحریک چلانے والی گورکھاجن مکتی مورچہ کی اپیل پر دارجلنگ اورنواحی علاقوں میں ہڑتال ہے۔ خواتین بھی بھارتی مظالم کیخلاف احتجاج میں پیش پیش ہیں۔

مظاہرین کو منتشر کرنے کے لئے پولیس نے شدید شیلنگ کی۔ حالات قابو سے باہر ہوئے تو فوج بھی پہنچ گئی۔ مشتعل مظاہرین نے پولیس کی گاڑیوں کو آگ لگا دی۔

جھڑپوں میں متعدد افراد زخمی ہو گئے۔ مظاہرین پر بھارتی پولیس نے لاٹھی چارج بھی کیا، ہڑتال کے باعث دارجلنگ آنے والے متعدد سیاح پھنس کررہ گئے۔

Print Friendly, PDF & Email

Comments

comments

یہ بھی پڑھیں