ممبئی : بالی ووڈ کی خوبرو اداکارہ عالیہ بھٹ ان دنوں ٹوئٹر ٹرینڈ میں ٹاپ پر ہیں لیکن اس کی وجہ مداحوں کی محبت نہیں بلکہ غصے کا شدید اظہار ہے۔
سوشل میڈیا صارفین نے انہیں ‘امبر ہرڈ آف انڈیا’ کے لقب سے نوازا ہے، اس کی بڑی وجہ ان کی نئی آنے والی فلم ’ڈارلنگ‘ کا وہ ٹریلر ہے جو گزشتہ دنوں جاری کیا گیا۔
اس حوالے سے صارفین کا کہنا ہے کہ عالیہ بھٹ نے نیٹ فلکس فلم ’’ڈارلنگ‘‘میں مردوں کے خلاف گھریلو تشدد کو فروغ دینے میں اپنا کردار ادا کیا ہے۔
اداکارہ عالیہ بھٹ ان دنوں اپنی نئی آنے والی نیٹ فلکس فلم ’ڈارلنگ‘کی تشہیر میں مصروف ہیں، اس فلم میں وہ ایک ایسی گھریلو خاتون کا کردار ادا کررہی ہیں جسے
Believe all victims, regardless of gender. #BanDarlings #boycottAliaBhatt pic.twitter.com/fct9D4rKoA
— iAtulp (@IM_atulp) August 3, 2022
آج کل سوشل میڈیا صارفین کیلئے یہ تصور عام ہے کہ وہ کسی اداکار یا اس کے نئے پروجیکٹ کو اس کے پرانے بیانات، اس کے نظریات، سیاسی رجحانات اور مذہبی عقائد کی بنیاد پر مسترد یا ناپسند کردیتے ہیں لیکن عالیہ بھٹ کے ساتھ ایسا نہیں۔
عالیہ بھٹ کی نئی فلم کے حوالے سے بہت سے صارفین کا کہنا ہے کہ اداکارہ کی اس فلم کی کہانی ایک ایسی کہانی ہے جو معاشرے میں بدتمیزی اور بد تہذیبی کو فروغ دیتی ہے۔
Put a stop on Amber Heard in India.#BoycottAliaBhatt pic.twitter.com/EI8KvebvFC
— Nirmal Kumar Kedia (@kedianirmal26) August 3, 2022
فلم ڈارلنگ میں وجے کو بدرالنسا شیخ کے شوہر حمزہ شیخ کے کردار میں دکھایا گیا ہے جو اس پر بے پناہ تشدد کرتا ہے اور اس وقت تک مارتا رہتا ہے جب تک اس کی ہمت جواب نہیں دے دیتی۔
Domestic violance on MEN aren't fun #BoycottAliaBhatt #BoycottDarlings pic.twitter.com/kLQ0EQpuII
— Soul Searching. (@DXTMRA) August 3, 2022
بعد ازاں وہ اس تشدد کا بدلہ لینے کا فیصلہ کرتی ہے اور بدلہ بھی ایسا کہ دیکھنے والے بھی ششدر رہ جائیں۔ وہ اپنے شوہر کو اغوا کرکے اس سے زیادہ شدید انداز اور بے رحمانہ طریقے سے تشدد کا نشانہ بناتی ہے۔
#BoycottAliaBhatt who is endorsing DV on Men.
Imagine if the genders were reversed! pic.twitter.com/OK4EDAe3pS
— Catachi (@itachi_senpai1) August 3, 2022
اس سلسلے میں سوشل میڈیا صارفین کا کہنا ہے کہ عالیہ کی یہ نیٹ فلکس فلم ڈارلنگز مردوں کے خلاف گھریلو تشدد کو فروغ دینے میں اہم کردار ادا کرے گی۔
