راولپنڈی: پی ایس ایل فائیو میں پشاور زلمی کے کپتان ڈیرن سیمی نے ٹیم کے مالک جاوید آفریدی کے ساتھ اختلافات پر وضاحت پیش کردی۔
تفصیلات کے مطابق پشاور زلمی کے کپتان ڈیرن سیمی نے کہا ہے کہ جاوید آفریدی کے ساتھ اختلافات کی میڈیا پر چلنے والی خبروں کو مسترد کردیا ہے، کراچی کنگز کے خلاف کل کے میچ میں ڈیرن سیمی نہیں کھیلے تھے۔
واضح رہے کہ کراچی کنگز کے خلاف اہم میچ میں پشاور زلمی نے کپتان ڈیرن سیمی کو حیران کن طو رپر ڈراپ کیا اور وجہ آرام بتائی گئی تھی۔
ڈیرن سیمی کے ٹویٹ نے ہلچل مچادی تھی، سیمی نے ٹویٹ میں لکھا تھا کہ آپ اس وقت تک اہم ہیں جب تک کام مکمل نہیں ہوجاتا۔
I’ve learnt that you are important until you’ve completed your role. #dealingwithhumans
— Daren Sammy (@darensammy88) March 2, 2020
سابق فاسٹ بولر شعیب اختر نے بھی ڈیرن سیمی اور جاوید آفریدی کے درمیان اختلافات کا دعویٰ کیا تھا۔
میڈیا پر خبریں زیادہ بڑھ گئی تو سیمی کو ایک اور ٹویٹ کرنا پڑ گیا اور بولے جاوید آفریدی کے ساتھ اختلافات کی خبروں پر ہنسی آرہی ہے۔
ڈیرن سیمی نے کہا میرے اور جاوید آفریدی کے درمیان ایسا کچھ نہیں ہے، وہ میرا بھائی ہے۔
I can’t believe that the media would think that my bro @JAfridi10 and I would ever have an issue. I’m actually laughing at this. Listen guys I love this man as my own brother. Are u guys serious @PeshawarZalmi is my baby and nothing comes between us. Absolutely nothing. pic.twitter.com/oRc5J5EiCN
— Daren Sammy (@darensammy88) March 3, 2020
یاد رہے کہ پی ایس ایل فائیو میں ڈیرن سیمی کی فٹنس سوالیہ نشان بنی ہوئی ہے، ذرائع کا کہنا ہے کہ ٹیم انتظامیہ سیمی کی جگہ کیرون پولارڈ کو کھلانے پر غور کررہی ہے۔
کل کھیلے جانے والے میچ میں کراچی کنگز نے پشاور زلمی کو باآسانی 6 وکٹوں سے شکست دی تھی، محمد عامر کو چار وکٹیں حاصل کرنے پرمین آف دی میچ کا ایوارڈ دیا گیا تھا۔
