صدر مملکت ڈاکٹرعارف علوی کی جانب سے عام انتخابات کی تاریخ دینے پر ذرائع الیکشن کمیشن کا کہنا ہے کہ خط کا جائزہ لینے کے بعد جواب دیں گے۔
ذرائع الیکشن کمیشن کے مطابق پہلے بھی خط کا جواب آئین و قانون کی روشنی میں دیا گیا تھا اب بھی آئین کے مطابق خط کا جواب دیں گے۔
’آئین کے مطابق تاریخ دینےکا اختیار الیکشن کمیشن کا ہے حلقہ بندیوں کا عمل بھی جاری ہے حلقہ بندیاں وقت سے قبل 30 نومبر تک مکمل ہوں گی اور حلقہ بندیوں کے بعد ہی الیکشن شیڈول جاری ہو سکتا ہے‘
ذرائع کا کہنا ہے کہ انتخابات کا شیڈول جاری کرنا الیکشن کمیشن کا مینڈیٹ ہے۔
صدر مملکت ڈاکٹر عارف علوی نے 6 نومبر کو عام انتخابات کروانے کی تجویز دی ہے۔ صدر مملکت عارف علوی نے چیف الیکشن کمشنر سکندر سلطان راجہ کے نام خط لکھا جس میں کہا گیا کہ 9 اگست کو وزیراعظم کے مشورے پر قومی اسمبلی کو تحلیل کیا گیا۔
Comments
- Advertisement -
