The news is by your side.

Advertisement

بیٹی کی پیزا کھانے کی فرمائش نے باپ کی جان لے لی

بیروت: غربت وافلاس سے تنگ باپ بیٹی کی پیزا کھانے کی فرمائش پوری نہ کرسکا اور دلبرداشتہ ہو کر گلے میں پھندا لگا کر جان دے دی۔

تفصیلات کے مطابق لبنان کے دارالحکومت سے 122 کلو میٹر فاصلے پر ناجی نامی شہری بیٹی کی پیزا کھانے کی فرمائش پوری نہ کرسکا اور اس نے خودکشی کرلی۔ لبنانی شہری کافی عرصے سے بے روزگار تھا۔

لبنانی شہری اپنی بیٹی کی فرمائش کو پورا کرنے کے لیے قصبے کی تمام دکانوں پر گیا مگر تمام دکان داروں نے اس سے پرانے قرض کا تقاضہ کیا اور اسے مزید رقم دینے سے صاف انکار کردیا۔ قرض نہ ملنے پر گھر کے عقبی حصے میں آکر ناجی نے ایک درخت سے رسی باندھ کر خود کو لٹکا دیا۔

ناجی کی چھوٹی بیٹی منقوشہ زعتر اپنے والد کا انتظار کر رہی تھی کہ کب اس کے والد اس کے لیے پیزا لے کر آئیں گے لیکن اسے کیا پتہ تھا کہ اب اس کے والد کبھی واپس نہیں آئیں گے۔

مقامی میڈیا کے مطابق محلے کے دکان داروں نے بھی ناجی کو قرض دینا بند کر دیا تھا، لبنانی شہری قرض لے کر اپنے گھر والوں کی ضروریات پوری کر رہا تھا، دکان داروں کا کہنا تھا کہ اس پر 7 لاکھ لبنانی لیرا یعنیٰ 460 امریکی ڈالر قرض تھا جو اسے ادا کرنا تھا۔

Comments

comments

یہ بھی پڑھیں