لندن : برطانوی صحافی ڈیوڈ روز نے کہا ہے کہ شہبازشریف نے ان پر ان کے اخبارپرکوئی مقدمہ نہیں کیا ، میرے آرٹیکل کی اشاعت کے بعد نیب اور ایسیٹ ریکوری یونٹ شہباز شریف سے تحقیقات کر رہا ہے۔
تفصیلات کے مطابق اپوزیشن لیڈر شہباز شریف کا برطانوی صحافی کو لندن کی عدالت میں لے جانے کا اعلان، محض اعلان ہی رہا، شہبازشریف کی فلاحی منصوبوں میں کرپشن پراسٹوری دینے والے برطانوی صحافی ڈیوڈ روز نے سماجی رابطے کی ویب سائٹ پر اپنے پیغام میں کہا پاکستانی پوچھتے ہیں کیا شہبازشریف نے مقدمہ کیا ہے ؟ تو شہباز شریف نے مجھ پر یا میرے اخبار پر کوئی مقدمہ نہیں کیا۔
Hello Pakistani friends. A lot of you have been asking if Shehbaz Sharif has commenced a lawsuit against me and my newspaper yet.
He hasn’t.
— David Rose (@DavidRoseUK) October 7, 2019
ڈیوڈ روز کا کہنا تھا ذرائع نے بتایا نیب اورایسیٹ ریکوری یونٹ شہباز شریف سے تحقیقات کررہے ہیں، یہ واضح ہوگیا کہ شہبازشریف کیوں مقدمہ نہیں کررہے، شہباز شریف کیسز میں مصروف ہیں۔
Sources tell me that investigations by NAB and the Asset Recovery Unit into allegations against Shahbaz Sharif have continued with some vigour since my article was published. This may explain why he hasn’t filed a lawsuit: they have been keeping him busy. https://t.co/8MMkCkErCv
— David Rose (@DavidRoseUK) October 8, 2019
اس سے قبل اگست میں شہباز شریف نے اپنے ٹویٹ میں کہا تھا کہ میرے لیگل نوٹس کے جواب میں ادارے نے 22 اگست تک جواب دینے کا اعلان کیا، ان کے صحافی ڈیوڈ روز نے بھی 17 اگست کو جلد جواب دینے کا عندیہ دیا تھا، مگر میرے وکیل کو تاحال کوئی جواب نہیں ملا۔
مزید پڑھیں : برطانوی صحافی نے شہباز شریف کا دعویٰ مسترد کر دیا
ڈیوڈ روز نے اس کا جواب دیتے ہوئے کہا تھا کہ ڈیلی میل نے کئی روز پہلے آپ کے وکلا کو خط بھیج دیا تھا، لگتا ہے کہ آپ کے وکلا آپ کو بتانا بھول گئے.
تقریبا تین ماہ قبل ڈیوڈروز کی اسٹوری برطانوی اخبارڈیلی میل نے شائع کی تھی، جس میں فلاحی منصوبوں میں شہبازشریف کی کرپشن کا پول کھولا گیا تھا۔
شہبازشریف اور ن لیگ نے صحافی اوراخبارکوہی جھوٹا قراردے کر ڈیوڈ روز کیخلاف عدالت جانے کا کہا تھا اور فیصلہ خلاف آنے پرسیاست چھوڑنے کا بھی اعلان کیا تھا لیکن تین مہینے ہونے کوہیں اب تک شہباز شریف نے ڈیوڈروز پرکوئی مقدمہ نہیں کیا ہے، شہبازشریف نے اپنے وکیل کے ذریعے ڈیوڈ روزکوصرف ایک نوٹس بھیجوایا ہے۔
