لندن: برطانیہ سے تعلق رکھنے والے صحافی نے ایک بار پھر سابق وزیراعلیٰ پنجاب کو یاد دہانی کرائی انہوں نے کرپشن کی شائع ہونے والی رپورٹ کے خلاف کوئی کارروائی نہیں کی۔
ڈیوڈروز کا کہنا تھا کہ شہبازشریف کی جانب سے عدالتی کارروائی کے تاحال منتظر ہیں، اگر انہوں نے رپورٹ کو چیلنج کیا تو انہیں عدالت کو بتانا پڑے گا کہ غیرملکیوں سے رقوم کیوں حاصل کیں۔ ڈیلی میل کے رپورٹر کا کہنا تھا کہ شہبازشریف میرے خلاف جلد از جلد عدالت جائیں تاکہ انہیں بتانا پڑے کہ پھیری لگانے اور پاپڑ فروخت کرنے والوں نے اتنی بھاری رقوم کہاں سے ادا کیں۔
If Shahbaz Sharif really wanted to sue me and the Mail, he would have to get his wife and children to explain to the court why they accepted huge foreign cash "investments” from people who were actually penniless hawkers, pappadom sellers, etc. Maybe they will. We shall see.
— David Rose (@DavidRoseUK) August 17, 2019
یاد رہے کہ گزشتہ ماہ برطانوی صحافی نے زلزلہ فنڈز میں کرپشن کے حوالے سے ایک رپورٹ شائع کی تھی جس کے بعد شہبازشریف نے انہیں عدالت لے جانے کا اعلان کیا تھا۔
مزید پڑھیں: زلزلہ فنڈ میں کرپشن: ڈی آئی ایف ڈی نے میری باتوں کی تردید نہیں کی، برطانوی صحافی
ڈیوڈ روز کا اے آر وائی سے گفتگو کرتے ہوئے کہنا تھا کہ خبر سے متعلق تمام ثبوت موجود ہیں، ڈی آئی ایف ڈی نے میری باتوں کی تردید نہیں کی بلکہ وہی باتیں دہرائیں جو بہ طور ثبوت میں نے پیش کیں۔ ڈیوڈ روز نے کہا کہ ان کی جو تصویر پیش کی گئی ہے وہ گزشتہ سال الیکشن سے قبل عمران خان سے انٹرویو کی ہیں، اس سے متعلق مسلم لیگ ن کا دعویٰ جھوٹا ہے، مریم اورنگ زیب کو متعدد کالز اور میسیجز کیے لیکن انھوں نے جواب سے گریز کیا۔
صحافی کا کہنا تھا کہ اس سے پہلے کی خبر پر بھی ن لیگ نے دعوے کے باوجود کوئی کیس نہیں کیا، نواز شریف پراپرٹی کی خبر پر لیگل نوٹس دور کی بات ای میل تک نہ کی گئی۔