The news is by your side.

Advertisement

ڈان لیکس : راؤتحسین کے خلاف محکمانہ کارروائی کیلیے افسرمقرر

اسلام آباد: وزیراعظم شاھد خاقان عباسی نے راؤتحسین کےخلاف محکمانہ کارروائی کے لیے افسرمقرر کردیا، راؤ تحسین پرڈان لیکس اسکینڈل میں ملوث ہونےکا الزام ہے۔

تفصیلات کے مطابق ڈان لیکس اسکینڈل میں اپنے عہدے سے برطرف ہونے والے پرنسپل انفارمیشن آفیسر راﺅ تحسین کیخلاف وزیر اعظم نے محکمہ جاتی کارروائی کیلئے افسر مقرر کر کے نو ٹی فیکیشن جاری کردیا ہے۔

حکم نامہ کے مطابق وفاقی سیکریٹری تجارت یونس ڈھاگا راؤتحسین کے خلاف انکوائری کریں گے، اسٹیبلشمنٹ ڈویژن نے راؤتحسین کے خلاف محکمانہ کارروائی کی حمایت کی ہے۔

اس سے قبل اسٹیبلشمنٹ ڈویژن نے راﺅ تحسین کے خلاف محکمانہ کارروائی کی توثیق کرکے عابد جاوید، ممتازشاہ، یونس ڈھاگا کے نام بھجوائے تھے۔


مزید پڑھیں: ڈان لیکس: راؤ تحسین کی برطرفی ہائیکورٹ میں چیلنج


ذرائع کا کہنا ہے کہ یونس ڈھاگا نے راؤتحسین کے خلاف محکمانہ کارروائی کا آغازکردیا، کارروائی کے دوران راؤ تحسین کو بلا کرذاتی شنوائی کا موقع دیا جائے گا۔

یاد رہے کہ ڈان لیکس انکوائری رپورٹ میں اس وقت کے وزیراعظم کے مشیر خارجہ طارق فاطمی، پرنسپل سیکرٹری فواد حسن فواد اور راؤ تحسین کو ذمہ دار قرار دیا گیا تھا۔

ڈان لیکس کیس میں سابق وزیراطلاعات پرویزرشید اور مشیر خارجہ طارق فاطمی کوعہدے سے ہاتھ دھونا پڑے تھے۔


مزید پڑھیں: ڈان لیکس : راؤ تحسین کوبھی عہدے سے ہٹا دیا گیا 


 ڈان لیکس کے معاملے پر رپورٹ کی سفارشات پر منظوری دیتے ہوئے  راؤ تحسین کو عہدے سے ہٹا دیا گیاتھا، اس وقت کے وزیراعظم نواز شریف کے معاون خصوصی طارق فاطمی کے بعد پرنسپل انفارمیشن آفیسر راؤ تحسین کو بھی عہدے سے ہٹانے کا نوٹیفکیشن جاری کیا گیا تھا۔

Print Friendly, PDF & Email

Comments

comments

یہ بھی پڑھیں