The news is by your side.

آخری ون ڈے: جنوبی افریقہ نے بھارت کو 439رنز کا ہدف دے دیا

ممبئی: پانچویں اورآخری ون ڈے میں جنوبی افریقی بلے بازوں نے بھارتی بالرز کا بھرکس نکال دیا، بھارت کو چارسوانتالیس رنز کا پہاڑ سرکرنا ہوگا۔

 پانچویں اورآخری ون ڈے میں جنوبی افریقی کے بلے بازوں کے دھواں دار بیٹنگ کرکے بھارتیوں کو دن میں تارے دیکھادئیے، پروٹیاز کے ایک نہیں تین بیٹسمینوں نے بھارتی بولرز کی جی بھرکے دھنائی کی،اور بیک ٹو بیک سنچریاں بنائی۔

ایم ایس دھونی کے تمام حربے ناکام ہوئے۔ جنوبی افریقی بلے بازوں نے رحم کی تمام اپیلیں مسترد کردی، اور جاریحانہ بیٹنگ کا مظاہرہ کرتے ہوئے بھارتی بولرز کا براحال کردیا، بیس چھکے اور اڑتیس چوکے لگاکر بھارتیوں کے چودہ تبک روشن کردئیے۔

 ڈوپلسی نے انجرڈ ہونے کےباوجود بھارتی بولرز پربرستے رہے، گرتے پڑتے تین چھکے لگاکر ریٹائرہٹ ہوگئے، ڈی کوک اورڈوپلسی سے بچےتو ڈی ویلئرز نےبھارتیوں پرہاتھ صاف کیے، ستاون گیندوں پر طوفانی سنچری مکمل کی۔

 بھارتی بولرز بھونیشورکمال نے بدترین بولنگ کاریکارڈ بنادیا، ایک سو چھ رنز کی پٹائی کھائی۔ جنوبی افریقہ نے چارسو اڑتیس رنز بناکر دنیائےکرکٹ کا تیسرا بڑا اسکوربنایا۔

Print Friendly, PDF & Email

Comments

comments

یہ بھی پڑھیں