لاہور: پنجاب کے دارالحکومت لاہور میں گھر سے میاں بیوی کی لاشیں برآمد ہوئی ہیں۔
اے آر وائی نیوز کے مطابق لاہور کے علاقے سندر میں گھر سے میاں اور بیوی کی لاشیں برآمد ہوئی ہیں، پولیس نے لاشوں کو ضابطے کی کارروائی کے لیے اسپتال منتقل کردیا۔
پولیس کا بتانا ہے کہ میاں بیوی کی شناخت 51 سالہ نذیر احمد اور 46 سالہ نبیلہ خاتون سے ہوئی ہے۔
پولیس کا کہنا ہے کہ نذیر احمد گھر میں مردہ حالت میں پایا گیا جبکہ ابتدائی تحقیقات سے لگتا ہے کہ اہلیہ نے خودسوزی کی ہے۔
تفتیشی حکام کا کہنا ہے کہ واقعے سے متعلق فرانزک ٹیم مختلف پہلوؤں سے تحقیقات کررہی ہیں۔
واضح رہے کہ گزشتہ سال دسمبر میں لاہور میں گھر سے نوبیاہتا جوڑے کی لاشیں برآمد ہوئی تھی جبکہ پولیس کا کہنا تھا کہ گھر میں گیزر کی گیس لیکیج ہونے کی وجہ سے دونوں کی موت ہوئی۔
اس سے قبل پشاور کے علاقہ ہزار خوانی میں گیس لیکیج کے باعث دم گھٹنے سے نوبیاہتا جوڑا جاں بحق ہوگیا تھا دو دن قبل شادی کے بندھن میں بندھے جوڑے کی اچانک موت سے خوشیوں بھرے گھر میں کہرام مچ گیا تھا۔