تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ترکی میں دو ٹرینیں ٹکرا گئیں، 9 افراد ہلاک 47 زخمی

انقرہ : ترکی کے دارالحکومت انقرہ میں واقع ریلوے اسٹیشن پر دو تیز رفتار ٹرینں آپس میں ٹکرا گئیں،جس کے باعث 7 افراد ہلاک جبکہ 46 مسافروں کے زخمی ہوئے ہیں۔

تفصیلات کے مطابق ترکی کے دارالحکومت انقرہ میں واقع ریلوے اسٹیشن پر دو ٹرینوں کو حادثہ پیش آیا ہے، جس کے نتیجے میں 7 مسافر ہلاک جبکہ 40 سے زائد افراد کے زخمی ہونے کی اطلاعات موصول ہورہی ہیں۔

غیر ملکی خبر رساں ادارے کا کہنا ہے کہ متاثرہ ٹرین انقرہ اسٹیشن سے مغربی شہر کونیا جانے کےلیے تیار کھڑی تھی کہ اچانک تیز رفتاری سے آتی ٹرین کونیا جانے والی ٹرین سے ٹکرا گئی۔

ریسکیو اداروں کا کہنا ہے کہ متاثرہ ٹرینوں میں 206 افراد سوار تھے، تاہم بیشتر افراد کو بوگیاں کاٹ کر ریسکیو کرلیا گیا ہے  جبکہ دیگر متاثرین کو نکالنے کا کام جاری ہے۔

غیر ملکی خبر رساں ادارے کا کہنا ہے کہ تین ٹرین ڈرائیوروں سمیت 9 افراد ہلاک ہوئے جبکہ حادثے میں زخمی ہونے والے 47 افراد میں 3 تین کی حالت انتہائی تشویش ناک بتائی جارہی ہے۔

مقامی میڈیا کا کہنا ہے کہ ٹرین حادثے کا افسوس ناک واقعہ انقرہ کے مرکزی ریلوے اسٹیشن سے 8 کلومیٹر دور واقع مرسنڈیز ریلوے اسٹیشن پر پیش آیا ہے۔

مقامی میڈیا کا کہنا ہے کہ افسوس ناک واقعہ صبح 6 بج کر 30 (پاکستانی وقت کے مطابق 8:30) پر پیش آیا تھا۔

مقامی خبر رساں ادارے کا کہنا ہے کہ ٹرین حادثے کے بعد بڑی تعداد میں ہنگامی خدمات انجام دینے والا عملہ متاثرین کو ریسکیو کر رہا ہے کہ تاہم برفباری کے باعث عملے کو شدید مشکلات پیش آرہی ہیں۔جائے وقوعہ پر پہنچ چکی ہیں جو متاثرین کو ٹرین سے نکال کر اسپتال منتقل کررہے ہیں۔

خیال رہے کہ رواں برس ترکی میں پیش آنے والے یہ دوسرا بڑا ٹرین حادثہ ہے جس میں مزید ہلاکتوں کا خدشہ ظاہر کیا جارہا ہے۔

مزید پڑھیں : ترکی: ٹرین حادثے کا شکار، 24 افراد ہلاک،73 زخمی

یاد رہے کہ رواں برس جولائی میں ترکی کے صوبے تیکرداگ میں ٹرین کو حادثہ پیش آیا تھا، جس کے نتیجے میں 24 مسافر ہلاک جبکہ 73 سے زائد زخمی ہوئے تھے، جنہیں فوری طبی امداد فراہم کرنے کے بعد قریبی اسپتال منتقل کردیا گیا تھا۔

Comments

- Advertisement -