واشنگٹن : یورپ ،ا مریکا اور کینیڈا ان دنوں سخت سردی کی لیپٹ میں ہیں کہیں بارش تو کہیں برفباری ہے، شدید سردی نے لوگوں کو گھروں میں محصور کردیا ہے۔
یورپ ،امریکا اور کینیڈا میں سردی کی لہر جاری ہے، کینیڈا میں موسم سرما کی پہلی برف باری نے معمولات زندگی کو درہم برہم کر دیا، برف باری کے باعث کئی پروازیں ملتوی اور ہائی ویز بند ہوگئے ۔
ماہرین نے ساٹھ سال کاریکارڈ ٹوٹنے کی پیش گوئی کردی، ٹورنٹو میں درجہ حرارت منفی سات ڈگری تک گرگیا ۔
امریکا کی مختلف ریاستوں میں برفباری سے نظام زندگی مفلوج ہوگیا، وسکانسن،منی سوٹا، اوہائیو سمیت متعدد ریاستوں میں برفباری کے باعث سردی میں اضافہ ہوگیا، سڑکوں پر جمی برف سے پھسلن کے باعث متعدد حادثات ہوئے جسمیں نو سے زائد افراد ہلاک ہوگئے۔
امریکی محکمہ موسمیات کے مطابق برف باری کے باعث نارتھ ڈکوٹا میں درجہ حرارت منفی 55 سینٹی گریڈ تک ریکارڈ کیا گیا جبکہ نیبراسکا میں درجہ حرارت منفی 27 ، کنساس میں منفی 8 اور بسمارک میں منفی 31 سینٹی گریڈ ریکارڈ کیا گیا۔
یورپی ممالک میں بھی سردی کا سلسلہ جاری ہے۔
