The news is by your side.

Advertisement

امریکا اور میکسیکو کے درمیان معاہدہ، ٹرمپ کا ڈیل پر عمل درآمد یقینی بنانے پر زور

واشنگٹن: امریکا اور میکسیکو کے درمیان سرحد اور تجارت سے متعلق معاہدہ طے پاگیا، صدر ٹرمپ نے ڈیل پر عمل درآمد یقینی بنانے پر زور دیا ہے۔

تفصیلات کے مطابق امریکی صدر ڈونلڈ ٹرمپ نے میکسیکو حکام پر زور دیتے ہوئے کہا ہے کہ فریقین کے درمیان جو ڈیل طے ہوئی ہے اس کے مکمل نفاذ ہر صورت یقینی بنایا جائے۔

غیر ملکی خبر رساں ادارے کے مطابق صدر ٹرمپ کا کہنا تھا کہ معاہدے کے تحت وہاں کی حکومت امریکا کے ساتھ سرحد پر نگرانی میں اضافہ کرے گی اور غیرقانونی تارکین وطن کو امریکا میں داخلے سے روکے گی۔

ان کا کہنا تھا کہ امید ہے میکسیکو ڈیل پر مکمل طور پر عمل کرے گا، اور غیرقانونی طور پر تارکین وطن کو امریکا داخلے سے روکے گی۔

قبل ازیں صدر ٹرمپ نے دھمکی دی تھی کہ اگر میکسیکو کے ساتھ معاہدہ طے نہیں پاتا، تو واشنگٹن انتظامیہ میکسیکو کی مصنوعات پر پانچ فیصد درآمدی محصولات نافذ کر دے گی۔

امریکا میکسیکو سرحدی دیوار، اپوزیشن ارکان کا ٹرمپ کو کرارا جواب

دوسری جانب میکسیکو کے صدر مانویل لویپس ابراڈور نے کہا ہے کہ اگر امریکا کے ساتھ تجارتی معاہدے سے متعلق مذاکرات ناکام ہو جاتے، تو ان کا ملک بھی امریکی مصنوعات پر اضافی محصولات کے نفاذ کے لیے تیار تھا۔

خیال رہے کہ امریکی صدر مہاجرین کے غیرقانونی طور پر امریکا داخلے پر سخت برہمی کا اظہار کرچکے ہیں، جبکہ وہ سرحد پر دیوار تعمیر کرانے پر زور دے چکے ہیں، لیکن امریکی کانگریس اس فیصلے سے انکاری ہیں۔

Comments

comments

یہ بھی پڑھیں