سڈنی: کراچی کنگز کے آنجہانی ہیڈ کوچ ڈین جونز کی اہلیہ نے کراچی کنگز کی فتح کے بعد پیغام جاری کردیا۔
پاکستان سپرلیگ فائیو میں فتح حاصل کرنے کے بعد ڈین جونز کی اہلیہ جین جونز نے سماجی رابطے کی ویب سائٹ ٹویٹر پر پیغام جاری کیا جس میں انہوں نے کراچی کنگز کو فتح پر مبارک باد پیش کی۔
انہوں نے کراچی کنگز کو زبردست جیت پر مبارک باد دیتے ہوئے کہا کہ ڈیانو اگر آج ہوتے تو وہ لڑکوں کی محنت دیکھ کر خوش ہوتے کیونکہ انہوں نے بہت مشکل حالات میں بہت سخت محنت کی۔
مزید پڑھیں: شاندار فتح: کراچی کنگز نے پی ایس ایل ٹرافی جیت لی
آنجہانی کرکٹر کی اہلیہ نے محبتوں اور حمایت کرنے پر کراچی کنگز کے مالک سلمان اقبال، وسیم اکرم، شنیرا اکرم اور عماد وسیم اور پوری پاکستانی قوم کا خصوصی شکریہ بھی کیا۔
Congratulations @KarachiKingsARY on a great win tonight! Deano would be so emotional & happy for his boys who have worked so hard under extreme circumstances. Big thanks to @wasimakramlive @Salman_ARY @iamShaniera @simadwasim & Pakistan for all their love & support ❤️💙
— Jane Jones (@Janey_Jones_) November 17, 2020
واضح رہے کہ سابق آسٹریلوی کرکٹرز اور کراچی کنگز کے ہیڈ کوچ ڈین جونز 24 ستمبر کو ممبئی میں دل کا دورہ پڑنے سے انتقال کرگئے تھے۔
سابق آسٹریلوی کرکٹر ڈین جونز کی عمر 59سال تھی، وہ 24مارچ 1961 میں میلبرن میں پیدا ہوئے ،ڈین جونز 1987 کا ورلڈ کپ جیتنے والی آسٹریلوی ٹیم کے اہم رکن تھے، ڈین جونز نے اپنے کرکٹ کیریئر میں 52ٹیسٹ اور164ون ڈے میں آسٹریلیا ٹیم کی نمائندگی کی۔
30 جنوری 1984 میں پاکستان کے خلاف ایک روزہ میچوں میں ڈیبیو کرنے والے ڈین جونز نے 6 اپریل 1994 میں اپنا آخری میچ جنوبی افریقا کے خلاف کھیلا اور اور انہیں سر ڈان بریڈ مین کی ٹیم کا اہم کھلاڑی تصور کیا جاتا تھا۔ واضح رہے کہ کراچی کنگز نے پلے آف میں ملنے والی فتح کو ڈین جونز کے نام کیا تھا۔
