The news is by your side.

Advertisement

شطرنج کے ماہر کھلاڑی میر سلطان خان کا تذکرہ

شطرنج کے ماہر اور چیمپین میر سلطان خان 25 اپریل 1966ء کو انتقال کرگئے تھے۔ وہ اپنے زمانے میں شطرنج کے کھیل کے ایک ماہر کھلاڑی مانے جاتے تھے جنھوں نے کئی اہم مقابلوں میں‌ حصّہ لیا اور یورپ کے مشہور کھلاڑیوں‌ کو مقابلے میں‌ شکست دے کر فتح اور شہرت اپنے نام کی۔

میر سلطان خان 1905ء میں مٹھاٹوانہ، ضلع سرگودھا میں پیدا ہوئے اور سرگودھا ہی میں‌ انتقال کیا۔ انھوں نے شطرنج میں دل چسپی لینا شروع کی اور وقت کے ساتھ ساتھ اس کھیل میں مہارت بڑھی تو شہر میں بھی ان کا شہرہ ہونے لگا، مقامی اور ہندوستان کی سطح پر کھلاڑیوں کو شکست دینے کے بعد جب ملک عمر حیات خان ٹوانہ نے ان کے بارے میں‌ سنا تو 1929ء میں اپنے ساتھ انگلستان چلنے کی دعوت دی اور وہاں جاکر انھوں نے شطرنج کے مقابلوں‌ میں‌ خوب نام کمایا۔

برطانیہ میں‌ قیام کے دوران 1930ء، 1931ء اور 1933ء میں میر سلطان خان نے برٹش اوپن چیس چیمپین شپ جیتی۔ وہ کئی برس وہاں‌ مقیم رہے اور اس دوران یورپی کھلاڑیوں کا بساط پر مقابلہ کیا، لیکن کوئی انہیں شکست نہ دے سکا۔

تقسیمِ ہند کے بعد میر سلطان خان کی زندگی گم نامی میں بسر ہوئی۔ مشہور ہے کہ اس دور میں بھی شطرنج کے بڑے بڑے کھلاڑی ان کے ساتھ کھیلنے سے کتراتے تھے۔

Comments

یہ بھی پڑھیں