The news is by your side.

Advertisement

سندھ کے معروف لوک گلوکار محمد یوسف کی برسی

محمد یوسف سندھ دھرتی کے معروف لوک گلوکار تھے جن کی آج برسی منائی جارہی ہے۔ وہ 14 فروری 1997ء کو وفات پاگئے تھے۔ محمد یوسف کا تعلق جس گھرانے سے تھا، اس میں‌ ان کے علاوہ بھی موسیقار اور گلوکار کی حیثیت سے متعدد شخصیات نے نام و مرتبہ حاصل کیا۔ خود محمد یوسف کے والد لونگ خان بھی لوک گائیکی میں‌ معروف اور استاد مشہور ہوئے۔

محمد یوسف حیدر آباد سندھ میں‌ 14 جنوری 1940ء کو پیدا ہوئے۔ والد کے علاوہ ان کے خاندان میں‌ موسیقی اور گائیکی کے حوالے سے استاد زوار بسنت بہت مشہور تھے۔ محمد یوسف بھی اس فن میں‌ دل چسپی لینے لگے اور موسیقی کی تربیت گوالیار گھرانے کے مشہور موسیقار استاد امید علی خان اور استاد منظور علی خان سے حاصل کی۔

وہ سندھی غزل اور ہر خاص و عام میں‌ مقبول صنف کافی گانے کے لیے مشہور ہوئے۔ انھوں‌ نے شاہ عبداللطیف بھٹائی کا کلام بھی گایا اور عوامی مقبولیت کے ساتھ اپنی گائیکی پر متعدد اعزازات بھی حاصل کیے۔

محمد یوسف کو صدارتی تمغہ برائے حسنِ کارکردگی بھی عطا کیا گیا تھا۔ سندھ کے اس معروف لوک گلوکار کو ان کی وفات کے بعد کوٹری، ضلع دادو میں سپردِ خاک کیا گیا۔

Comments

یہ بھی پڑھیں