The news is by your side.

Advertisement

انفرادیت پسند اور جدّت طراز موسیقار امجد بوبی کی برسی

پاکستان کی فلمی صنعت میں امجد بوبی سریلی اور مدھر دھنیں ترتیب دینے کی وجہ ہی سے یاد نہیں‌ کیے جاتے بلکہ انھیں ایک ایسا موسیقار مانا جاتا ہے جس نے اس فن میں‌ نت نئے تجربات کیے اور خود کو جدّت پسند ثابت کیا۔

فلمی صنعت کے لیے کئی لازوال دھنیں ترتیب دینے والے امجد بوبی 15 اپریل 2005 کو اس دنیا سے رخصت ہوئے تھے۔ آج ان کی برسی منائی جارہی ہے۔

امجد بوبی 1942 میں امرتسر میں پیدا ہوئے تھے۔ 1960 میں انھوں نے اپنے فلمی کیریئر کا آغاز کیا۔ بہ طور موسیقار ان کی پہلی فلم راجا جانی تھی جس کی نمائش 1976 میں ہوئی۔ اس کے گیت بہت پسند کیے گئے۔ بعد میں گھونگھٹ، پرورش، کبھی الوداع نہ کہنا، نادیہ، روبی، نزدیکیاں، سنگم، چیف صاحب، گھر کب آوٴ گے، یہ دل آپ کا ہوا جیسی کام یاب فلموں کے لیے امجد بوبی نے لازوال دھنیں تخلیق کرکے شہرت حاصل کی۔ امجد بوبی کا فنی سفر چالیس سال پر محیط ہے۔

امجد بوبی ان موسیقاروں میں سے ایک ہیں جنھوں نے پاکستان کی فلم انڈسٹری میں ممبئی کے گلوکاروں کو متعارف کروایا اور اپنے فن میں انفرادیت اور جدّت کی بدولت مقبول ہوئے۔ انھوں نے متعدد فلموں کے لیے اپنی ترتیب دی ہوئی دھنوں پر بھارتی گلوکاروں کی آواز میں گیت ریکارڈ کروائے۔

Comments

یہ بھی پڑھیں