تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا سے موت، 2 روز تک بچی باپ کی لاش کے ساتھ رہی، لرزہ خیز واقعہ

نئی دہلی : بھارت میں 8 سالہ بچی کی کرونا سے مرنے والے باپ کے ساتھ زندگی گزارنے کے واقعے نے ہر آنکھ اشکبار کردی۔

بھارت میں کرونا کی تباہ کاریاں جاری ہیں، روزانہ کی بنیادوں پر ہزاروں افراد لقمہ اجل بن رہے ہیں جب کہ لاکھوں یومیہ بنیادوں پر کرونا میں مبتلا ہورہے ہیں، حالات بد سے بدتر ہوچکے ہیں حتیٰ کہ لوگوں نے آکسیجن کی کمی کے باعث سڑکوں پر دم توڑنا شروع کردیا ہے۔

بھارت میں ایسا ہی ایک اور دل سوز واقعہ ریاست بہار کے شہر پٹنہ میں پیش آیا، جہاں ایک 45 سالہ شخص کرونا کی وجہ سے زندگی کی بازی ہار گیا اور اس کی آٹھ سالہ بیٹی دو روز تک کرونا سے مرنے والے اپنے باپ کے ساتھ ہی رہتی رہی۔

رپورٹ میں بتایا گیا ہے کہ بچی کو ایک رات اپنے باپ کے ساتھ معمول کے مطابق سوئی اور پھر صبح اٹھ کر اس کے موبائل پر گیم بھی کھیلا اسی طرح بچی سے دو دن باپ کی لاش کے ساتھ گزارے۔

بھارتی میڈیا کا کہنا تھا کہ 45 سالہ شخص کے دوست نے موبائل پر کی تو بچی نے بتایا پاپا سورہے ہیں جس پر دوست نے ویڈیو کال ملائی تو پتہ چلا کہ بچی کا باپ مرچکا ہے۔

والد کے دوست نے اتظامیہ کو مطلع کیا تاہم انتظامیہ کی غفلت کے باعث لاش دوسرے روز بھی گھر میں پڑی رہی اور بچی بھی ساتھ زندگی گزارتی رہی۔

لاش کو گھر سے نکالنے کے بعد انتظامیہ نے بچی کا کرونا ٹیسٹ بھی کروایا ہے تاکہ بچی کی زندگی بچائی جاسکے۔

بھارتی پولیس کا کہنا ہے کہ بچی کی ماں علیحدہ رہتی تھی جب کہ باپ کے گھر والے بھی ساتھ نہیں جس کی وجہ لاش دو روز تک گھر میں پڑی رہی۔

Comments

- Advertisement -