The news is by your side.

Advertisement

دس افغان شہریوں کی ہلاکت جنگی خلاف ورزی نہیں، پینٹاگون

افغانستان میں امریکی ڈرون حملے میں دس شہریوں کی ہلاکت کو پینٹاگون نے جنگی قوانین کی خلاف ورزی ماننے سے انکار کردیا۔

غیر ملکی میڈیا کے مطابق امریکی محکمہ (پینٹاگون کے انسپکٹر جنرل لیفٹیننٹ جنرل سیمی سیڈ نے افغانستان میں امریکی ڈرون حملے میں دس شہریوں کی ہلاکت سے متعلق اہم بیان جاری کردیا۔

لیفٹیننٹ جنرل سیمی سیڈ کا کہنا ہے کہ دس شہریوں کی ہلاکت انتہائی افسوس ناک ہے، ڈرون حملے سے متعلق تحقیقات کی گئی تاہم اس میں جنگی قوانین کی کوئی خلاف ورزی نہیں پائی گئی۔

خیال رہے کہ 29 اگست کو کابل میں ہونے والے امریکی ڈرون حملے میں 7 بچوں سمیت 10 افراد مارے گئے تھے، جسے امریکی انتظامیہ نے غلطی قرار دیا تھا۔

اس حوالے سے جنرل فرینک نے کہا تھا کہ جس گاڑی کو ڈرون سے ہدف بنایا گیا تھا ہمارا خیال ہے کہ اس میں داعش کے دہشت گرد موجود نہیں تھے اور نہ ہی ان سے ایئرپورٹ پر تعینات امریکی فوجیوں کو کوئی خطرہ تھا۔

Comments

یہ بھی پڑھیں