The news is by your side.

Advertisement

کرونا سے یورپ، امریکا میں تباہی، اموات 53 ہزار 218 ہو گئیں

کراچی: نئے اور مہلک ترین ثابت ہونے والے وائرس کو وِڈ نائنٹین نے یورپ اور امریکا سمیت دنیا بھر میں تباہی مچا دی ہے، وائرس سے اموات کی تعداد 53 ہزار 218 ہو گئی۔

تفصیلات کے مطابق دنیا بھر میں کرونا وائرس سے اموات 53 ہزار 218 ہو گئیں، وائرس کے متاثرین کی تعداد بھی 10 لاکھ 15 ہزار سے تجاوز کر گئی ہے، دوسری طرف صحت یاب افراد کی تعداد بھی بڑھ کر 2 لاکھ 13 ہزار ہو گئی۔ اب تک 204 ممالک اور علاقے وائرس کی لپیٹ میں آ چکے ہیں۔

وائرس نے امریکا میں 6088 افراد کو شکار کر لیا ہے جب کہ 2 لاکھ 45 ہزار سے زائد متاثر ہو چکے ہیں، امریکا میں ہلاکتوں کا سلسلہ بدستور جاری ہے، اٹلی میں ہلاکتیں 13,915 ہو چکی ہیں جب کہ متاثرہ افراد کی تعداد 1 لاکھ 15 ہزار سے بڑھ گئی۔ اسپین بھی وائرس سے بری طرح متاثر ہے جہاں روزانہ کی بنیاد پر پانچ سو تک اموات ہو رہی ہیں، اب تک اسپین میں 10,348 ہلاکتیں ہو چکی ہیں جب کہ متاثرہ افراد کی تعداد 1 لاکھ 12 ہزار سے بڑھ چکی ہے۔

فرانس میں بھی وائرس کی ہلاکت خیزی میں تیزی آ گئی ہے، اب تک 5,387 افراد وائرس کی بھینٹ چڑھ چکے ہیں جب کہ متاثرہ افراد کی مجموعی تعداد 59,105 ہے۔ ایران بھی وائرس سے شدید متاثرہ ممالک میں سے ایک ہے جہاں 3,160 افراد ہلاک ہو چکے ہیں جب کہ 50,468 افراد متاثرہ ہیں۔ برطانیہ میں بھی ہلاکتیں بڑھ کر 2,921 ہو گئی ہیں اور متاثرہ افراد کی تعداد 33,718 ہے۔

جرمنی میں ہلاکتیں 1,107 ہو گئیں، نیدرلینڈز میں 1,339، بیلجیئم میں 1,011، سوئٹزرلینڈ میں 536، ترکی میں 356 ہلاکتیں ہو چکی ہیں۔ چین میں ہلاکتوں کی تعداد 3,322 ہے۔ برازیل میں327، سوئیڈن میں 308 افراد کرونا وائرس سے ہلاک ہوئے، پرتگال میں 209، جنوبی کوریا میں 174، کینیڈا میں 173 ہلاک ہوئے، انڈونیشیا میں 170، آسٹریا میں 158، ڈنمارک میں 123، ایکواڈور میں 120، رومانیہ میں 115، فلپائن میں 107 جب کہ بھارت میں کرونا وائرس سے 72 افراد ہلاک ہو چکے ہیں۔

Comments

یہ بھی پڑھیں