نئی دہلی : بھارت کے دو مختلف دیہاتوں میں زہریلی شراب پینے سے 92 افراد ہلاک جبکہ درجنوں افراد کی حالت غیرہوگئی۔
تفصیلات کے مطابق بھارتی ریاستوں اترپردیش اور اترکھنڈ میں دو مختلف واقعات میں زہریلی شراب پینے سے 92 افراد ہلاک ہوگئے۔
پولیس کے مطابق پوسٹ مارٹم اور ابتدائی فرانزک رپورٹس سے ظاہر ہوتا کہ تقریبات میں استعمال ہونے والی شراب غیرمعیاری تھی۔
پولیس حکام نے 92 افراد کی ہلاکت کے بعد شراب کا غیرقانونی کاروبار کرنے والے 8 مشتبہ افراد کو گرفتار کرلیا۔
دوسری جانب صوبائی حکومت نے غیرمعیاری شراب کی سپلائی روکنے میں ناکامی پر 12 پولیس اہلکاروں سمیت 35 افراد کو معطل کردیا۔
یاد رہے کہ جون 2015 کو بھارتی شہر ممبئی میں دیسی زہریلی شراب پینے سے 74 افراد ہلاک ہوگئے تھے۔
سال 2011 میں بھارتی ریاست بنگال میں زہریلی شراب کی وجہ سے 170 افراد اپنی جانوں سے ہاتھ دھو بیٹھے تھے۔
واضح رہے کہ بھارت میں غیر لائسنس یافتہ انتہائی سستی شراب کا استعمال عام ہے۔ شراب کا غیرقانونی کاروبار کرنے والے کوئی ٹیکس ادا نہیں کرتے اور غریبوں کو کم قیمت پر بھارت مقدار میں شراب فروخت کرتے ہیں۔
