ٹرمپ اورہلری کلنٹن کے درمیان پہلا مباحثہ 26ستمبر کوہوگا -
The news is by your side.

Advertisement

ٹرمپ اورہلری کلنٹن کے درمیان پہلا مباحثہ 26ستمبر کوہوگا

واشنگٹن : امریکہ میں صدارتی انتخابات میں صدارت کے امیدواروں کے مابین مباحث کا آغاز آئندہ پیر سے شروع ہو گا جس میں امیدوار اپنے اپنے انتخابی منشور اور اصلاحات کا دفاع کریں گے۔

صدارتی امیدواروں کے درمیان مباحثوں کا انتظام کرنے والی تنظیم کے مطابق پہلا مباحثہ آئندہ پیر26 ستمبر کوریاست نیویارک کے شمال مشرقی شہر ہیمسٹڈ کی یونیورسٹی ہافسٹرا میں ہوگا جسے امریکہ کی تمام ریاستوں میں براہ راست نشرکیا جائے گا۔

کمیشن آن پریذیڈنٹل ڈیبیٹ نے کہا ہے کہ گزشتہ ماہ کیے گئے سروے کے تحت ری پبلیکن امیدوار ڈونلڈٹرمپ اور ڈیموکریٹک امیدوار ہلری کلنٹن رائے عامہ کے لیے مقرر کردہ پانچ جائزوں میں مطلوبہ کم از کم 15فی صد اوسط حمایت حاصل کرنے میں کامیاب رہی ہیں۔

اس لیے 26 ستمبرکو ہونے والے پہلے مباحثے میں صرف دوبڑی سیاسی جماعتوں ری پبلیکن اور ڈیموکریٹک پارٹی کے نامزد امیدوارہی شرکت کر سکیں گے یوں امریکی عوام ہلری کلنٹن اور ڈونلڈ ٹرمپ کو اس مباحثے میں دو بدو حصہ لیتے ہوئے دیکھ سکیں گے۔

واضح رہے کہ رائے عامہ کے حالیہ جائزوں میں کلنٹن کو اوسطاً 43 فی صد اور ٹرمپ کو اوسطاً 40 اعشاریہ 4 فی صد کی عوامی حمایت حاصل ہے۔

اس کے علاوہ ری پبلیکن اور ڈیموکریٹک پارٹی کی جانب سے نائب صدو انڈیانا کے گورنر مائک پنس اور ورجینیا کے گورنر ٹم بھی ریاست ورجینیا کے شہر فارم ول کی لانگ وڈ یونیورسٹی میں چار اکتوبرکو ہونے والے مباحثے میں حصہ لے سکیں گے۔

اس طرح چار مباحثوں کے اس سلسلے کا تیسرا مباحثہ 9 اکتوبر کو سینٹ لوئیس اور چوتھا اور آخری 19 اکتوبر کو لاس ویگس میں ہوگا۔

Comments

comments

یہ بھی پڑھیں