The news is by your side.

Advertisement

کرونا صورت حال کے باعث پنجاب میں مائیکرو اسمارٹ لاک ڈاؤن کا فیصلہ

لاہور: پنجاب میں کروناصورت حال کے پیش نظر مائیکرواسمارٹ لاک ڈاؤن کا فیصلہ کرلیا گیا، مائیکرواسمارٹ لاک ڈاؤن پنجاب کے مختلف علاقوں میں نافذ کیا جائے گا۔

تفصیلات کے مطابق صوبہ پنجاب میں اسمارٹ لاک ڈاؤن کے بعد اب مائیکرواسمارٹ لاک ڈاؤن کا سلسلہ شروع کیاجارہا ہے، جس کے تحت کرونامتاثرہ گھروں کو سیل کیا جائے گا۔

ذرایع محکمہ صحت پنجاب کا کہنا ہے کہ جس گھر سے کرونا کیس نکلےگا اسے سیل کردیا جائے گا۔

ذرایع کے مطابق مائیکرو اسمارٹ لاک ڈاؤن میں ایک گھر یا دکان بھی سیل کی جائے گی، وہ دکانیں یا گھر لاک ڈاؤن کے زد میں آئیں گے جہاں سے کرونا کیسز رپورٹ ہوں گے۔

پنجاب میں کورونا کا زور ٹوٹنے لگا، مسلسل چوتھے روز کوئی ہلاکت رپورٹ نہیں ہوئی

مائیکرو اسمارٹ لاک ڈاؤن 2 ہفتے کے لیے لگایا جائے گا۔

خیال رہے کہ پاکستان میں کرونا کا زور ٹوٹنے لگا ہے، پنجاب میں مسلسل چوتھے روز کرونا وائرس سے کوئی ہلاکت نہیں ہوئی جبکہ 99 نئے کیسز رپورٹ ہوئے، پنجاب میں کورونا کیسز اور اموات میں بتدریج کمی آرہی ہے۔

پنجاب میں 24 گھنٹوں کے دوران کرونا وائرس کے 99نئے کیسز سامنے آئے، جس کے بعد صوبے میں کرونا وائرس کے کنفرم مریضوں کی تعداد96,057 ہو گئی۔

Comments

یہ بھی پڑھیں