The news is by your side.

Advertisement

کاشتکاروں کے مسائل حل کرنے کے لیے خصوصی کمیٹی کی تشکیل کا فیصلہ

اسلام آباد: حکومت نے کاشتکاروں کے مسائل حل کرنے کے لیے خصوصی کمیٹی تشکیل دینے کا فیصلہ کرلیا، لاک ڈاؤن کے باعث معاشی مشکلات کے دوران ریلیف کی فراہمی ممکن ہے۔

تفصیلات کے مطابق وزیرخارجہ شاہ محمود قریشی کی قیادت میں کاشتکاروں کے وفد نے مشیرخزانہ سے ملاقات کی۔ اس دوران فخر امام، حماد اظہر، عبدالرزاق داؤد، پارلیمانی سیکریٹری فنانس سمیت دیگر اہم شخصیات ملاقات میں شریک تھیں۔ اس موقع پر کاشتکار رہنماؤں نے لاک ڈاون کے درپیش مشکلات سے آگاہ کیا۔

اہم بیٹھک کے دوران پارلیمانی کمیٹی کی تجاویز اور سیاسی قائدین کی آرا پر بھی تبادلہ خیال کیا گیا۔ مشیر خزانہ نے آئندہ بجٹ میں کاشتکاروں کے لیے خصوصی ریلیف سے آگاہ کیا۔

گنے کے کاشتکاروں کا کسی صورت استحصال نہیں ہونے دیں گے، عثمان بزدار

اس موقع پر وزیرخارجہ شاہ محمود قریشی کا کہنا تھا کہ پاکستان زرعی ملک ہے، کاشتکار کی فلاح اولین ترجیحات میں شامل ہے، کاشتکاروں کی خوش حالی معاشی ترقی کے لیے ناگزیر ہے۔

انہوں نے مزید کہا کہ مؤثر پالیسی سے کاشتکاروں کے تحفظات کا ازالہ یقینی بنائیں گے۔

خیال رہے کہ ملک میں مختلف شعبوں کی طرح کاشتکاری بھی لاک ڈاؤن کے باعث متاثر ہے۔ تاہم حکومت معاملے کی سنجیدگی کو مدنظر رکھتے ہوئے حکمت عملی تیار کررہی ہے۔

Comments

یہ بھی پڑھیں