The news is by your side.

پی سی بی میں بڑے ناموں کو اہم ذمے داریاں دیے جانے کا فیصلہ

پاکستان کرکٹ بورڈ میں منیجمنٹ تبدیل ہوتے ہی اب بڑے ناموں کو پی سی بی میں اہم ذمے داریاں دیے جانے کا فیصلہ کر لیا گیا ہے۔

اے آر وائی نیوز کو ذرائع نے بتایا ہے کہ پاکستان کرکٹ بورڈ کی منیجمنٹ کمیٹی نے کرکٹ کی بہتری اور فروغ کے لیے بورڈ میں بڑے ناموں کو اہم ذمے داریاں دیے جانے کا فیصلہ کرلیا ہے اور اس حوالے سے حال ہی میں ریٹائرڈ کرکٹرز سمیت سابق کرکٹرز کے ناموں پر غور شروع کردیا گیا ہے۔

ذرائع کے مطابق پی سی بی کی منیجمنٹ کمیٹی قومی ٹیم سے ریٹائرڈ سابق کپتانوں انضمام الحق، یونس خان، مصباح الحق، معین خان اور محمد حفیظ کو اہم ذمے داریاں تفویض کرنا چاہتی ہے۔

اس کے علاوہ توصیف احمد، باسط علی، ارشد خان، توفیق عمر، یاسرعرفات، یاسر حمید اور کامران اکمل کو بھی ذمے داریاں دیے جانے کا امکان ہے۔

ذرائع کا کہنا ہے کہ قومی ٹیم کے بولنگ کوچ کے لیے سابق فاسٹ بولر عمر گل مضبوط امیدوار ہیں۔
پی سی بی کا ویمن کرکٹ کے لیے سابق ویمنز کرکٹرز بتول فاطمہ، نین عابدی، مرینہ اقبال کی خدمات حاصل کرنے پر بھی غور ہے۔

Comments

یہ بھی پڑھیں