The news is by your side.

Advertisement

پولیو مہم دوبارہ شروع کرنے کا فیصلہ

لاہور: صوبہ پنجاب میں پولیو مہم جولائی کے وسط سے دوبارہ آغاز کرنے کا فیصلہ کرلیا گیا، پولیو مہم تمام ایس او پیز پر عمل کرکے دوبارہ شروع کی جائے گی۔

تفصیلات کے مطابق پنجاب انتظامیہ نے صوبے میں دوبارہ پولیو مہم کے آغاز کا فیصلہ کرلیا ہے، پولیو مہم کو دوبارہ شروع کرنے کے ایس او پیز کے حوالے سے مشاورت مکمل ہوگئی، مشاورت میں تمام حکمت عملی پر تبادلہ خیال کیا گیا۔

پنجاب کے سیکریٹری پرائمری اینڈ سیکنڈری ہیلتھ کیپٹن(ر) محمد عثمان کا کہنا ہے کہ کروناوائرس کی وجہ سے پولیو مہم تعطل کا شکارتھی، مہم کے آغاز سے قبل پولیو ورکرز کی ٹریننگ کرائی جائے گی۔

بلوچستان میں 24 ماہ کے بچے میں پولیو وائرس کی تصدیق

واضح رہے کہ رواں برس ملک بھر میں اب تک پولیو کیسز کی مجموعی تعداد 51 ہوچکی ہے جن میں سے 20 صوبہ خیبر پختونخواہ، 17 سندھ اور 12 بلوچستان سے سامنے آئے ہیں۔ صوبہ پنجاب سے 2 پولیو کیسز سامنے آئے۔

پولیو کے حوالے سے سال 2019 پاکستان کے لیے بدترین رہا تھا جب ملک بھر میں 146 پولیو کیسز ریکارڈ کیے گئے، پولیو کی یہ شرح سنہ 2014 کے بعد بلند ترین تھی کیونکہ اس سے قبل 2014 میں پولیو وائرس کے 306 کیسز سامنے آئے تھے اور یہ شرح پچھلے 14 سال کی بلند ترین شرح تھی۔

خیال رہے کہ سنہ 2015 میں ملک میں 54، 2016 میں 20، 2017 میں سب سے کم صرف 8 اور سنہ 2018 میں 12 پولیو کیسز ریکارڈ کیے گئے تھے۔

Comments

یہ بھی پڑھیں