The news is by your side.

Advertisement

بیڈروم کی آرائش کے باکفایت طریقے

ہمارا بیڈروم گھر میں ایک ایسی جگہ ہے جہاں ہم سکون کے لمحات گزارتے ہیں۔ ماہرین کے مطابق بیڈروم کو ایسا ہونا چاہیئے جو ایک تھکا ہوا دن گزارنے کے بعد ذہن کو تازگی بخشے، بہت زیادہ سامان سے بھرا ہوا اور گہرے رنگوں سے پینٹ کیا ہوا بیڈروم دماغ پر بوجھ ڈالتا ہے۔

یہ خیال بھی غلط ہے کہ بیڈروم کو سجانے کے لیے بہت سارا پیسہ چاہیئے۔ آپ اپنے محدود بجٹ میں بھی اپنے ذوق کے مطابق اپنے بیڈروم کی سجاوٹ کر سکتے ہیں۔

آئیے جانیئے کچھ ایسے ہی طریقے جن کے ذریعے آپ زیادہ پیسہ خرچ کیے بغیر اپنے بیڈروم کو خوبصورت بنا سکتے ہیں۔


مدھم روشنیاں


کمرے میں مدھم روشنی کا استعمال کیجیئے۔ یہ آپ کے بیڈروم کو خوابناک بنادے گا۔


پردوں کا استعمال

پورے کمرے میں خوبصورت اور ہلکے پردوں کا استعمال کیجئے۔ یہ آپ کے بیڈروم کو بہت خوبصورت بنادے گا۔


دیواروں کی آرائش

 دیواروں کی آرائش کے لیے بازار میں جابجا خوبصورت اشیا نہایت مناسب قیمت میں دستیاب ہیں جن کا استعمال آپ کے کمرے کو منفرد بنا دے گا۔


بیڈ کی سجاوٹ

 اپنے بیڈ کے گرد لوہے کی راڈ نصب کریں اور اس پر خوبصورت چادر لٹکا کر بیڈ کو کور کرلیں۔


ایک دیوار کو پینٹ کریں

کسی ایک دیوار کو گہرے رنگ سے پینٹ کریں۔ اس پر کوئی وال آرٹ یا پینٹنگ بھی بنائی جاسکتی ہے۔ یہ کونا آپ کی تصاویر کے لیے بہترین ثابت ہوگا۔


دروازے کی سجاوٹ

 دروازے کی سجاوٹ کمرے میں آنے والوں پر خوشگوار تاثر چھوڑے گی۔


چھت کی سجاوٹ

 چھت پر خوبصورت نقش و نگار یا اپنی پسند کے کارٹون یا فلم کریکٹر بھی سجائے جاسکتے ہیں۔


پھولوں کا استعمال

 کمرے کے ایک کونے میں ڈھیر سارے تازہ پھول رکھیں۔ اس سے آپ کو کمرے میں داخل ہوتے ہی تازگی کا احساس ہوگا۔ کمرے میں منی پلانٹس، چھوٹے گملے اور پودے بھی رکھے جاسکتے ہیں۔ علاوہ ازیں کمرے کی کھڑکی سے اس طرح پودے رکھے جاسکتے ہیں جو کھڑکی کے ذریعے اندر تک آئیں۔


قدرتی منظر

کمرے میں کسی قدرتی منظر جیسے سمندر یا سورج کا کوئی میورل یا وال پیپر آپ کے بیڈروم کو منفرد بنادے گا۔

آپ بھی ان طریقوں کو اپنا کر اپنے بیڈروم کو خوبصورت بناسکتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں