The news is by your side.

Advertisement

ڈکیتی کےملزمان کو72گھنٹوں میں گرفتارکیاجائے، شہبازشریف

لاہور : وزیراعلٰی پنجاب شہباز شریف نے ڈکیتی کی وارداتوں میں اضافے کا سخت نوٹس لیتے ہوئے ملزمان کو 72 گھنٹوں میں گرفتار کرنے کا حکم دے دیا ہے۔

تفصیلات کے مطابق وزیراعلیٰ پنجاب شہباز شریف کی زیرِصدارت اعلیٰ سطح کا اجلاس ہواجس میں ملت پارک ڈکیتی سمیت گارڈن ٹاؤن اور اور لوئر مال پر ڈکیتی کی وارداتوں پر پولیس کی جانب سے وزیراعلیٰ پنجاب کو رپورٹ پیش کی گئی۔

ان کا کہنا تھا کہ لاہور جیسے شہر میں اس طرح کے افسوسناک واقعات پولیس کی کارکردگی پر سوالیہ نشان ہیں،دن دیہاڑے ڈکیتی کی وارداتوں کے باعث شہری خوف میں مبتلا ہو گئے ہیں لہذا پولیس فوری طور پر کارروائی کرتے ہوئے 72 گھنٹے کے اندر اندر ملزمان کو گرفتار کرے۔

اسی سے متعلق : لاہور، مصروف شاہراہ پر ڈکیتی کی واردات

وزیر اعلیٰ پنجاب نے ڈولفن اور پیرو فورس کی کارکردگی پر برہمی کا اظہار کرتے ہوئے کہا کہ بتایا جائے کہ واقعات کے وقت ڈولفن اور پیرو فورس کہاں تھی؟ آئندہ ایسے واقعات کسی صورت میں برداشت نہیں کئے جائیں گے۔

یہ بھی پڑھیں : لاہور، فائرنگ سے باپ بیٹے سمیت 4 افراد جاں بحق

واضح رہے گزشتہ ایک ہفتے کے دوران لاہور میں تین بڑی ڈکیتی کی وارداتوں میں راہزنوں کی فائرنگ سے 5 افراد جاں بحق اور 2 زخمی ہو گئے تھے جب کہ شہریوں کا عام اور مصروف شاہراؤں پر اپنی قیمتی چیزوں سے محروم ہونا معمول بن گیا ہے۔

Print Friendly, PDF & Email

Comments

comments

یہ بھی پڑھیں