The news is by your side.

Advertisement

امریکا میں فرض کی ادائیگی کے دوران جان دینے والے سکھ پولیس اہکار کی یاد میں تعزیتی تقریب

واشنگٹن: امریکی ریاست ٹیکساس کے شہر ہیوسٹن میں فرض کی ادائیگی کے دوران جان دینے والے سکھ امریکن ڈپٹی پولیس شیرف سندیپ ڈالیوال کی یاد میں نیویارک میں تعزیتی تقریب منعقد ہوئی۔

تفصیلات کے مطابق سکھ پولیس اہلکار کی یاد میں منعقد اس تقریب میں پاکستانی کمیونٹی کے امام حافظ محمد احمد، کمیونٹی رہنما ڈاکٹر اعجاز احمد، شاہد میاں، پولیس لیفٹیننٹ ضیغم عباس سمیت اہم شخصیات نے شرکت کی۔

اس موقع پر سکھ کلچرل سنٹر نیویارک میں سندیپ کی یاد میں شمعیں روشن کی گئیں اور ان کی خدمات کو خراج تحسین پیش کیا گیا۔

اپنے خطاب میں مقررین کا کہنا تھا کہ ڈپٹی شیرف ڈالیوال نے اپنی جان پر کھیلتے ہوئے فرائض منصبی ادا کئے، تمام کمیونیٹیزسوگوار خاندان اور سکھ کمیونٹی کے غم میں برابر کی شریک ہیں۔

امریکا کا پہلا سکھ پولیس اہلکار نامعلوم شخص کی فائرنگ سے ہلاک

یاد رہے کہ 28 ستمبر کو امریکی ریاست ٹیکساس میں بھارتی نژاد امریکی ڈپٹی شیرف سندیپ دہلیوال کو فائرنگ کرکے قتل کردیا گیا تھا۔

بعد ازاں امریکی پولیس کا کہنا تھا کہ رابرٹ سولس کو سندیپ کے قتل میں ملوث ہونے کے الزام میں گرفتار کر لیا گیا ہے۔

Comments

comments

یہ بھی پڑھیں