تصاویر: دپیکا اور رنویر کا مشترکہ استقبالیہ، نامور شخصیات کی شرکت -
The news is by your side.

Advertisement

تصاویر: دپیکا اور رنویر کا مشترکہ استقبالیہ، نامور شخصیات کی شرکت

ممبئی: بالی ووڈ کے نوبیاہتا جوڑے دپیکا پڈوکون اور رنوریر سنگھ نے اجتماعی استقبالیے کا انعقاد کیا جس میں تمام ہی اسٹارز نے شرکت کی۔

تفصیلات کے مطابق بالی ووڈ کی مقبول ترین جوڑی دپیکا اور رنویر کے تیسرے اور آخری استقبالیے کی تقریب گزشتہ روز ممبئی میں منعقد ہوئی جس میں ساتھی فنکاروں، کھلاڑیوں اور سیاستدانوں سمیت خاص مداحوں نے بھی شرکت کی۔

شادی کی تقریب میں نامور اداکار شاہ رخ خان، ہدایت کار سنجے لیلا بھنسالی سمیت نامور شخصیات نے بھی شرکت کی ۔ اس موقع پر میوزیکل نائٹ کا اہتمام کیا گیا جس میں نوشے میاں خود بھی رقص کرتے نظر آئے۔

شاہ رخ خان نے ملائیکا اروڑا کے ساتھ مل کر اپنی ہی فلم کے گانے چل چھیاں چھیاں پر خوب ڈانس کیا، اس کے علاوہ امیتابھ بچن بھی رقص کرتے نظر آئے۔

یاد رہے کہ دپیکا اور رنویر نے 14 اور 15 نومبر کو دو علیحدہ عیلحدہ مذہبی رسومات کے تحت اٹلی کے خوبصورت مقام لیک کومو پر شادی کی تھی جس کے بعد وہ دونوں 18 نومبر بروز اتوار ممبئی پہنچے تھے، بعد ازاں انہوں نے علیحدہ علیحدہ تقاریب کا اہتمام بھی کیا۔

دپیکا نے 21 بنگلور جبکہ رنویر سنگھ نے 28 نومبر کو  ممبئی میں پرتکلف دعوت کا اہتمام کیا، اس سے قبل  اداکار کی بہن رتیکا بھوانی نے بھی  ممبئی میں تقریب کا انعقاد کیا۔

رتیکا کی جانب سے منعقدہ تقریب میں رنویر نے پہلی بار دپیکا سے کھل کر اپنے جذبات کا اظہار کیا تھا۔ اُن کا کہنا تھا کہ ’میں نے والدین کی دعاؤں کی بدولت دنیا کی سب سے خوبصورت لڑکی سے شادی کی اور اب میں بہت زیادہ خوش ہوں‘۔

تصاویر دیکھیں

تصاویر بشکریہ فلم فیئر

Comments

comments

یہ بھی پڑھیں