دپیکا پر قسمت مہربان، شادی کے بعد سب سے زیادہ کمانے کا اعزاز -
The news is by your side.

Advertisement

دپیکا پر قسمت مہربان، شادی کے بعد سب سے زیادہ کمانے کا اعزاز

سلمان خان سرفہرست رہے

ممبئی: بالی ووڈ اداکارہ دپیکا پڈوکون نے ایک بار پھر تاریخ رقم کرتے ہوئے سال 2018 میں سب سے زیادہ کمانے کا اعزاز اپنے نام کرلیا۔

امریکی میگزین فوربز کی جانب سے جاری کردہ فہرست میں بتایا گیا ہے کہ دپیکا نے بالی ووڈ انڈسٹری میں سب سے زیادہ کمانے والی اداکارہ کا اعزاز اپنے نام کیا۔

فوربز کی فہرست کے مطابق بھارت کی 100 سب سے زیادہ کمانے والی شخصیات میں سے ابتدائی پانچ ناموں میں دپیکا کا نام بھی شامل ہیں انہوں نے 12 مہینوں میں 112.8 کروڑ روپے کمائے۔

فہرست میں سلمان خان بدستور پہلے نمبر پر رہے جبکہ  بھارتی کرکٹ ٹیم کے کپتان ویرات کوہلی دوسرے، اکشے کمار تیسرے، دپیکا چوتھے، مہندرا سنگھ دھونی پانچویں نمبر پر رہے۔

یہ بھی پڑھیں: اکشے اور سلمان ایک سال میں سب سے زیادہ کمانے والے اداکار

اعداد و شمار کے مطابق دپیکا اور رنویر نے مل کر سال 2017 میں 154 کروڑ روپے کمائے۔

اسی طرح اگر اداکارہ عالیہ بھٹ فہرست میں 12ویں نمبر پر رہیں جبکہ میوزک کمپوزر اے آر رحمان گیارہویں نمبر پر رہے۔

فوربز کی فہرست کے مطابق دبنگ خان نے ایک سال میں 253.25 کروڑ روپے کمائے۔

ویرات کوہلی نے 228.09 روپے کمائے

اکشے کمار 185 کروڑ کے ساتھ تیسرے نمبر پر رہے

دپیکا پڈوکون سب سے زیادہ کمانے والی اداکارہ کے طور پر سامنے آئیں اور فہرست میں اُن کا نام 4 نمبر پررہا، رنویر سنگھ کی اہلیہ نے ایک سال میں سب سے زیادہ 112.8 کروڑ روپے کمائے۔

اسے بھی پڑھیں: سلمان خان اور دپیکا سب سے زیادہ کمانے والے بھارتی اداکار

مہندرا سنگھ دھونی 101.77 کروڑ کما کر فہرست میں پانچویں نمبر پر رہے۔

مسٹر پرفیکٹ 97.5 کروڑ روپے کما کر چھٹے، امتیابھ بچن 96.17 کروڑ کے ساتھ 7ویں، رنویر سنگھ 84.67 کروڑ کے ساتھ 8ویں، سابق کپتان سچن ٹنڈولکر 80 کروڑ کے ساتھ نویں، اجے دیوگن 74.5 کروڑ روپے کما کر دسویں نمبر پر رہے۔

علاوہ ازیں  شاہ رخ خان 170.5 کروڑ کے ساتھ فہرست میں 13ویں نمبر پر رہے حالانکہ اُن کی رواں سال کوئی فلم کامیاب نہیں ہوئی، عالیہ بھٹ 58.83 کروڑ کے ساتھ کنگ خان سے کامیاب اداکارہ رہیں۔

پریانکا چوپڑا جن کا 7ویں نمبر سے تنزلی کے بعد 49ویں نمبر پر پہنچ گئیں انہوں نے سال میں 18 کروڑ روپے کمائے۔

Comments

comments

یہ بھی پڑھیں