ممبئی: بالی ووڈ کے معروف اداکار شاہ رخ خان، دپیکا پڈوکون اور جان ابراہم کی فلم ’پٹھان‘ نے باکس آفس پر کمائی کے نئے ریکارڈ قائم کردیے ہیں۔
بھارتی میڈیا رپورٹس کے مطابق بالی ووڈ اداکار شاہ رخ خان، جان ابراہم اور دپیکا پڈوکون کی فلم پٹھان ریلیز کے بعد کامیابی کے نئے ریکارڈ قائم کررہی ہے اور عامر خان کی دنگل، یش کی کے جی ایف چیپٹر ٹو، باہو بلی ٹو سمیت دیگر فلموں کو بھی پیچھے چھوڑ دیا ہے۔
گزشتہ روز تک پٹھان نے ایک ہزار بیس کروڑ کا بزنس کرلیا ہے اور فلم کی کامیابی کا سفر جاری ہے۔
Pathaan fever continues to win hearts across! ❤️
Book your tickets for #Pathaan NOW – https://t.co/SD17p6x9HI | https://t.co/VkhFng6vBjCelebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/e09tOTAAwo
— Yash Raj Films (@yrf) February 27, 2023
تاہم فلم ریلیز سے قبل کئی تنازعات کا شکار رہی، کبھی ہندو انتہا پسندوں کی جانب سے سنیما گھروں کو جلانے کی دھمکی دی گئی تو کبھی گانے کو لے کر دپیکا پڈوکون کو تنقید کا نشانہ بنایا تھا۔
اداکارہ دپیکا پڈوکون نے حالیہ انٹرویو میں کہا کہ ’پٹھان بائیکاٹ مہم کے دوران سمجھداری اور تجربہ نے انہیں سنبھلنے میں مدد دی۔‘
انہوں نے بتایا کہ ’وہ سپورٹ کے شعبے سے منسلک رہ چکی ہیں جس کا تجربہ بہت کام آیا اس شعبے نے مجھے سکھایا ہے کہ ایسے وقت میں کس طرح صبرو تحمل سے کام لینا چاہیے۔‘
شاہ رخ خان کے ساتھ اداکاری کرنے سے متعلق سوال پر دپیکا پڈوکون نے کہا کہ ’کیریئر کا آغاز ہی کنگ خان کی فلم کے ساتھ ہوا تھا ان کی شکر گزار ہوں کہ پہلی فلم میں انہوں نے مجھ پر اعتماد کا اظہار کیا۔
اداکارہ نے انکشاف کیا کہ ’اوم شانتی اوم‘ میں انہیں بغیر آڈیشن کے کاسٹ کیا گیا تھا۔‘
دپیکا پڈوکون نے کہا کہ ’شاہ رخ خان کے ساتھ پٹھان میں بھی کام کرنے کا تجربہ اچھا رہا کیریئر کے دوران ان سے بہت کچھ سیکھنے کا بھی موقع ملا۔
