نئی دہلی : جواہر لعل نہرو کے طلبہ پر حملے کے خلاف ہونے واللے احتجاجی مظاہرے میں بالی ووڈ اداکارہ ڈپیکا پڈوکون بھی پہنچ گئی۔
تفصیلات کے مطابق معروف بالی ووڈ اداکارہ ڈپیکا پڈوکون کی بھارتی دارالحکومت نئی دہلی میں جاری احتجاجی مظاہرے میں شرکت کی تصاویر سوشل میڈیا پر وائرل ہوگئیں۔
ڈپیکا پڈوکون جواہر لعل نہرو یونیورسٹی (جے این یو) میں 5 جنوری کو نقاب پوش حملہ آوروں کے حملے میں زخمی ہونے والے طلباء و طالبات سے اظہار یکجہتی کےلیے احتجاج میں شریک ہوئیں تھی۔
سوشل میڈیا پر وائرل ویڈیو میں دیکھا جاسکتا ہے کہ بالی ووڈ اداکارہ احتجاجی مظاہرے میں شریک ہوئیں اور شرکاء سے خطاب بھی کیا۔
واضح رہے کہ جواہر لعل نہرو یونیورسٹی کے طلبہ پر آر ایس ایس کے غنڈوں کے حملے کے بعد ڈپیکا پہلی بالی ووڈ اداکارہ ہیں جنہوں نے متاثرہ طلبہ سے اظہار یکجہتی کےلیے دورہ کیا ہے۔
جے این یو اسٹوڈنٹ یونین کے سابق صدر کنہیا کمار نے سماجی رابطے کی ویب سائٹ ٹویٹر پر دپیکا کی مظاہرے میں شرکت کے دوران بنائی گئی ویڈیو شیئر کرتے ہوئے ان کے حمایت کرنے کا شکریہ بھی ادا کیا۔
More power to you @deepikapadukone and thank you for your solidarity and support. You might be abused or trolled today, but history will remember you for your courage and standing by the idea of India. pic.twitter.com/q9WkXODchL
— Kanhaiya Kumar (@kanhaiyakumar) January 7, 2020
غیر ملکی خبر رساں ادارے کا کہنا تھا کہ بالی ووڈ اداکارہ نے اپنے دورے کے دوران زخمی طالبہ اور جے این یو اسٹوڈنٹ یونین کی صدر عاشے گھوش کو گلے بھی لگایا۔
انتہا پسند ہندوؤں کا جواہر لعل نہرو یونیورسٹی پر حملہ، بدترین تشدد سے درجنوں طلبہ لہو لوہان
غیر ملکی خبر رساں ادارے کے مطابق ڈپیکا پڈوکون کے مظاہرے میں شریک ہونے پر انہیں شدید تنقید کا نشانہ بھی بنایا جارہا ہے۔
خیال رہے کہ بالی ووڈ اداکارہ ان دنوں اپنی آنے والی فلم چھپاک کی پروموشن کےلیے نئی دہلی میں ہی موجود ہیں۔
