The news is by your side.

Advertisement

دپیکا پڈوکون کو فلموں میں ناکامی کا ڈر کیوں تھا؟

معروف بالی ووڈ اداکارہ دپیکا پڈوکون کا کہنا ہے کہ کیریئر کے شروع میں انہیں ڈر تھا کہ اپنے لہجے کی وجہ سے وہ فلموں میں ناکام ہوجائیں گی۔

حال ہی میں ایک انٹرویو میں دپیکا پڈوکون نے انکشاف کیا کہ کیریئر کے آغاز میں انہیں ان کے جنوبی بھارتی لہجے کی وجہ سے مشکلات کا سامنا رہا اور انہیں خدشہ تھا کہ انہیں ان کے بولنے کے انداز کی وجہ سے مسترد کردیا جائے گا۔

دپیکا پڈوکون کی پیدائش اگرچہ یورپی ملک ڈنمارک میں ہوئی، تاہم ان کے والدین کا تعلق بھارت کی جنوبی ریاست کرناٹک سے ہے۔ ان کے والدین انڈو آرین نسل کے ہیں اور ان کا تعلق بنگلورو سے ہونے کی وجہ سے دپیکا پڈوکون کے بول چال میں بھی وہاں کا اثر ہے۔

دپیکا نے سنہ 2007 میں انہوں نے شاہ رخ خان کے ساتھ اوم شانتی اوم سے اپنے بولی ووڈ کیریئر کا آغاز کیا تھا۔

دپیکا پڈوکون کے مطابق انہیں شک تھا کہ ان کے لہجے کی وجہ سے انہیں اہمیت نہیں دی جائے گی اور جنوبی بھارتی لہجے کی وجہ سے ان کا بالی وڈ کیریئر آگے نہیں بڑھے گا۔

اداکارہ نے ایک سوال کے جواب میں یہ بھی کہا کہ انہوں نے فلم انڈسٹری میں کبھی صنفی تفریق کا سامنا نہیں کیا اور نہ ہی انہوں نے کبھی مرد و خاتون کا موازنہ کیا اور نہ اس مسئلے کو اہمیت دی۔

اداکارہ نے ہالی ووڈ میں مختلف نسلوں اور طبقات سے تعلق رکھنے والی افراد کو کاسٹ کیے جانے کے معاملے پر بھی بات کی اور کہا کہ ابھی ہالی ووڈ میں مختلف نسل اور خطوں کے لوگوں کو کاسٹ کرنے یا انہیں مواقع دیے جانے کا معاملہ ابتدائی سطح پر ہے۔

ان کے مطابق کسی بھی سیاہ فام یا ایشیائی شخص کو کسی ہالی ووڈ فلم میں کاسٹ کرنے یا انہیں موقع دینے کو مختلف نسل اور طبقات کے لوگوں کو اہمیت دینا نہیں کہا جا سکتا۔

Comments

یہ بھی پڑھیں