The news is by your side.

Advertisement

دپیکا کا رنویر کی بیوی بننے سے صاف انکار

ممبئی: بالی ووڈ اداکارہ دپیکا پڈوکون نے اپنے شوہر رنویر سنگھ کی فلم میں اہلیہ بننے سے صاف انکار کردیا۔

تفصیلات کے مطابق دپیکا پڈوکون اور رنویر سنگھ گزشتہ برس نومبر میں ازدواجی بندھن میں بندھے، شادی کے بعد اطلاعات تھیں کہ دونوں جلد فلموں میں ایک ساتھ رومانوی اور میاں بیوی کا کردار ادا کرتے نظر آئیں گے۔

بھارتی میڈیا نے دعویٰ کیا تھا کہ بھارتی کرکٹر کپل دیو کی زندگی پر بننے والی فلم ’83‘ میں رنویر مرکزی جبکہ دپیکا اُن کی بیوی کا کردار ادا کرتی نظر آئیں گی۔

دپیکا کو کپل دیو کی اہلیہ کا کردار ادا کرنا تھا تاہم اب اداکارہ نے فلم میں کام کرنے سے صاف انکار کردیا۔

مزید پڑھیں: شادی کے بعد دپیکا کی پہلی سالگرہ، رنویر نے اہم دن نظر انداز کردیا؟

بھارتی میڈیا رپورٹ کے مطابق دپیکا نے رنویر کی بیوی بننے سے انکار کرتے ہوئے کہا کہ وہ اپنے شوہر کی وجہ سے ہر کردار ادا نہیں کرسکتیں، اُن کی انڈسٹری میں ایک الگ پہچان ہے۔

اداکارہ کا کہنا تھا کہ ’میں اور رنویر پہلے ہی طے کرچکے ہیں کہ ہم ایک دوسرے کی وجہ سے اپنے کیریئر یا نام کی قربانی نہیں دیں گے کیونکہ دونوں کی شہرت اپنی اپنی جگہ پر برقرار ہے‘۔

ذرائع کا کہنا ہے کہ فلم ڈائریکٹر نے دپیکا کو کردار کی پیش کش کی مگر انہوں نے مختصر رول ہونے کی وجہ سے صاف انکار کردیا کیونکہ اداکارہ چھوٹا کردار ادا نہیں کرنا چاہتیں۔

یہ بھی پڑھیں: دپیکا کے بجائے رنویر سنگھ نے شادی کے بعد نام تبدیل کرلیا؟

اسے بھی پڑھیں: رنویرسنگھ کپل دیو کے کردار میں 1983 کے ورلڈ کپ کی یادیں تازہ کریں گے

یاد رہے کہ فلم ’83‘ بھارتی کرکٹر کپل دیو کی زندگی پر بنائی جارہی ہے جس میں 1983 کی ورلڈ کپ فاتح ٹیم کے کھلاڑیوں کی زندگیوں کا بھی مختصر کردار دکھایا جائے گا۔

دپیکا کے انکار کے بعد ابھی تک ڈائریکٹر نے کسی بھی اداکارہ کو کردار کی پیش کش نہیں کی۔

Comments

comments

یہ بھی پڑھیں