صدر مملکت ڈاکٹر عارف علوی نے ملکہ الزبتھ دوم کی وفات پر اظہارتعزیت کیا ہے۔
صدر مملکت نے ملکہ دوئم کےانتقال پر شاہی خاندان، برطانوی حکومت اور عوام سےتعزیت کا اظہار کرتے ہوئے کہا ہے کہ ملکہ الزبتھ دوئم کےجانے سے بہت بڑا خلا پیدا ہوا ہے جسے پرُ کرنا مشکل ہے۔
انہوں نے کہا کہ وہ چھوٹی عمر میں تخت نشین ہوئیں پختگی، کرداراعلیٰ ترین عزم کامظاہرہ کیا ملکہ الزبتھ دوم دنیامیں طویل حکمرانی کرنیوالےحکمرانوں میں سےایک تھیں ان کی ولولہ انگیزقائدانہ خوبیوں نےانہیں عظیم،مہربان حکمران کےمرتبےتک پہنچایا۔
Deeply grieved at the passing of Her Majesty Queen Elizabeth II. Pakistan joins the UK & other Commonwealth nations in mourning her death. My heartfelt condolences to the Royal Family, people & government of the UK. @10DowningStreet @RoyalFamily
— Shehbaz Sharif (@CMShehbaz) September 8, 2022
وزیراعظم میاں شہبازشریف نے ٹوئٹر پر جاری بیان میں کہا ہے کہ ملکہ الزبتھ دوم کے انتقال پر افسوس ہوا پاکستان ان کی موت کے سوگ میں برطانیہ اور دیگر دولت مشترکہ ممالک میں شامل ہے۔ انہوں نے کہا کہ برطانیہ کے شاہی خاندان، عوام اور حکومت سے دلی تعزیت کرتے ہیں۔
